مين يقدر يزعل عمنا ابليس؟

ابليس زهق م المصريين وقال دول ناس ناكرين للجميل وقرر يهاجر استراليا

وقع الخبر من الناس موقع الصدمة وراحوا عملوا مظاهرة ف ميدان التحرير

وسموها جمعة الوفاء للعم ابليس وقالوا ف ابليس من التكريم والتفخيم الكتير

وذهب وفد منهم الي ابليس وقالوا ابانا وحياة اغلي حاجة عندك ما تسيبنا
احنا من غيرك متكحولين انت اللي خليتنا اونطجية ومنافقين ونصابين وحلنجية ولما كبرنا انت

خليتنا مرتشين ولصوص ولولا كدا كنا حنبقي شحاتين عايز ترجعنا للنكد تاني ليه بس

تقدم شيخ مشايخ الحلنجية وقال لابليس:وتربة النعمة ما تسيبنا يا عمي انا لحم كتافي من خيرك انا اكبر حلنجي ف مصر والامة العربية

بفضلك رد ابليس:اخص عليك يا واطي الف خصاية انا عملتك بني ادم

ورايح تتبرع ييناء جامع رد شيخ مشايخ الحلنجية:انت عارفني اونطحي دا حتي انا عمري ما ركعتها

قال ابليس:ابدا انتو ناس ماتتخدموش الواحد يجيلي صدمان وعدمان وهدومه مرقعة ويبوس ايدي ويقولي علمني ياعمي الاونطة

علمني النصب علمني التهليس علمني الكدب ابوس ايدك ابوس رجلكانا ف طولم انا ف عرضك وانا قلبي طيب ودا عيبي

اعلمه وافطمه وانجره واوعيه وشويا شويا يوصل نائب ف البرلمان او حاجة كبيرة ف البلد وابص الاقيه معلق لوحة ورا مكتبه

مكتوب عليها(هذا من فضل ربي)دا كلام

ملحوظة:هذا الموضوع يسخر من الشيطان ابليس اللعين ومن انصاره

هههههههههههههههههه موضوع جميل اختى مصراويه

بجد موضيعك بتختريها بعنايه

اشكرك اخي الكريم عاطف علي كلام الجميل

نورت موضوعي

مصراوية

والله منورين انتو الاتنين

بس الكلام اللى مكتوب فى الموضوع اللى اكثر من رائع حقيقه وبدون زعل هو اللى نوركم

ليس الانسان ينطلق منه شعاع ضوئى من نفسه ولكن يطلق عن طريق لسانه او فعله

شكرا لحضراتكم

كلام جميل اخ محمود اشكرك عليه

منور موضوعي

هههههههههههههههه

بس يامصراويه دلوقتي ماشيه العكس ابليس بيمشي ورانا لاننا متفوقيين عليه ماشاالله علينا هههههههههههههههه



تحياتي اختي وننتظر المزيد

ابليس بصراحة مش راضي عن اداء بعض الناس

ههههههههههه
بس زى ما قال اشرف اليومين دول الحكاية بقت ماشية بالعكس وابليس زهق مننا
والدليل
على باب سفارة كند
لمحت ابليس وفى ايده استمار
بقله على فين
قلى بص يا هجرة يا اعارة
ياعم انا زهقت كفرت
الاقيش معاك سجارة
انا انتهيت خلاص
لا نافع وسواس ولا خناس
ولا ليه عيش وسط الناس
دى عالم مجرمين
عندكوا فائض فى الفساد
فى كل البلاد
مش محتاجين شياطين
مليش عيش انا فى دى البلاد
بقالى سنين عاطل
وانتوا بتعرفو تقلبوا الحق باطل
وبتعرفوا تسلكوا القاتل وتمشوا فى جنازة المقتول
ومفيش مشاكل
ده انا بقيت اوسوس بالمقلوب
اقول للحرامى كفاية
تووووب
ايه انت لوحدك هتعمل كل الذنوب
وبعدين انا ابليس هشتغل وااعظ
ولا كمسارى فى اتوبيس
يا عم انا زمان
كنت استنى حد ينس يسمى
وهو بياكل لقمته
دلوقتى اكلكم بقه ملوث
وبصراحة الواحد خايف على صحته
ده مفيش ضمير اساسا علشان اموته
وكل واحد بمزاجه خربانه ذمته
يا عم ده كل حاجة اتسرقت
والاجيال اللى جاية من الحرامية اتظلمت
ياراجل ده من كتر ما لطشت معايا
خرجت فى مظاهرة مع الناس اللى بتقول كفاية
وبرضه مفيش فايدة
ها يلا ياوليد
متبقاش عنيد
يلا تعالى معايا
قلتله لا يالعين
هو انت فاكر كلامك غير حاجة جوايا
شكرامصراوية

تسلم ايديك ع الابيات الرائعة

وانت واشرف صح وانا صح

من زاوية ان الناس ف مصر اصبحوا ابالسة ايوة ودا يبسط ابليس

من زاوية تانية رغم كدا هناك التدين الشكلي رغم انه شكلي الا ان فكرة الايمان نفسها تزعج ابليس ودا اللي قصدته

مشكووووووووووور جدا يا وليد

ردودك فعلا غير تقليدية

السلام عليكم ورحمة الله وبركاته
اعجبنى كثيرا هذا الموضوع

ههههههههههههه موضوع جميل وتسلم اديكى اختى مصراويه مع تحيتى احلام رومنسى

احلام رومانسي

تسلم مرورك الغالي

مع تحياتي

مصراوية

نشكر الزعيم المصراوي علي إنضمامه معنا وأهلا وسهلا بك وموضوع بجد في غاية الروعه يا مصراوية وتسلم ايدك

هههههه شكران اختى مصروايه

انا بقا اقدر ازعل ابليس ههههه

شكران