الى جميع اعضاء المنتدى الكرام ادخل وجاوب على السوال وابدى رايك

هل أنت موافق أن يتوج السيد / جمال مبارك رئيس لجمهريه مصر العربيه و لماذا ؟
هل تراه الشخص الأنسب لهذا المكان أم انك تجد شخص ثانى أنسب منه لهذا المنصب
مثل شخصيه علميه ك العالم أحمد زويل أو شخصيه دينيه مثل الشيخ محمد حسان
أو شخصيه عامه مثل السيد عمرو موسى أو غيرهم من المصرييب ؟؟؟؟؟


لا تكُن سلبى و إبدى برأيك من فضلك ّّ!!!

السلام عليكم ورحمة الله وبركاته
اولا احب اشكرك اخى عاطف على هذة المواضيع القيمة وبصراحة مواضيع لها موضع اهتمام من قبل جميع الاعضاء واحب اقول رايى فى هذا الموضوع سواء تولى الرئاسة جمال او غيره فالحال واحد لانه اكيد اللى هيتولى الرئاسة هيكون خايف على شعبه بس من رايى لو شيخ جليل تولى الرئاسة مثل الشيخ محمد حسان يكون افضل وهيكون خير لينا كفاية انه هيراسنا بمنهج رسولنا الحبيب محمد صلى الله عليه وسلم وعلى اصول الدين ونكون بالفعل امة اسلامية
تقبلو مرورى اختكم ¨°•√♥ كليوباترا♥√•°

مش موافقة طبعا على جمال مبارك مش هيكون احسن من والده فى حاجة
والناس اللى حواليه مش هيتغيروا
المفروض اللى يحكم البلد دي يكون حد فعلا خايف على البلد
انا برشح عمرو موسى دة انسان فعلا يستاهل يكون رئيس
بيفهم فى السياسة كويس جدا وقادر انه يغير حال البلد

وانا بس بختلف شوية مع رأي كليوباترا مش معنى ان الشيخ محمد حسان شيخ كويس جدا بس هو كويس فى شغله والشئ اللى بيفهم فيه
يعني لو بقا رئيس جمهورية معتقدش انه هيقدر على مسؤلية كبيرة زي دي

موضوع رائع يا عاطف....من امتى وانت ليك فى السياسة
خليك فى حالك احسن عشان متقضيش السنين الجاية فى المعتقل......مصر محتجالك

موضوع جميل ياعاطف واقولك رايي بصراحه مفيش حد منهم ينفع جمال وعقله شبابي يعني عصبيه وممكن يودينا في داهيه الشيخ محمد حسان وهيدخل الدين في السياسه ودي ملهاش دعوه بدي وعمرو موسي له اختصاصه صحيح هو كويس وعقله كبير بس مش لدرجه انه يبقي ريس احنا وبصراحه عايزين محمد حسني مبارك جزء تاني ده رايي المتواضع

شكلنا كلنا هنروح وري الشمس

اولا\ انا بحييكم علي ارائكم الجميلة اللي تودى ورا الشمس
اولا بالنسبة لكليوووووووووو الشيخ ما ينفعش انه يكون رئيس دولة لان ما فيش هيخليه يمسك الحكم يومين هنلاقي امريكا واسرائيل واوروبا كلها بتحاربنا وغير كده انه راجل دينى مش سياسي
ثانيا \بروكن بتقول عمرو موسي ما ينفعش دى كبيرة عليه زى ما كبيرة علي جمال مبارك
ثالثا \حسنى مبارك خلاص كده شكرا الامور فلتت من ايده وبقت في ايد رجال الاعمال واولهم احمد بيه عز اللي ما فيش حد قادر عليه وبيقول وبيعمل اللي هو عايزه في مجلس الشعب وبيفصل القوانين واللوائح علي مقاسه
انا من رايي المتواضع ان الدكتور كمال الجنزورى هو الاحق برئاسة الجمهورية لان فترة رئاسته للوزارة كانت افضل فترة شهدها المواطن المصري منذ حكم الرئيس مبارك
وانتوا نسيتوا واحد داخل الانتخابات الرئاسية وهو من اهم المرشحين اللي بالفعل قدموا طلبات ترشحهم
هو محمد البرادعي يا ريت تقولولى رايكم فيه علشان نوسع الحوار ويا ريت تعمل مقارنات منطقية ليه هو وكل المرشحين اللي قدموا طلبات ترشحهم وخلينا واقعيين اكتر من كده
يلا سلام نتقابل في المعتقل بقي بس يا ريت كل واحد ياخد باله من قفاه هههههههههههه

............... مليش دعوه ....................

ههههههههههههههههههههههههههه



موضوع جميل ورائع ...............

وربنا يكرمكم ويوفقك يا رب ................

اشكرك على مجهودك الرائع والمتميز دائما ...............

السلام عليكم
ياهل الخير
انا بحيك يا استاد عاطف على موضوعك الرائع
انا بصراحه حقول رائى وامر لله
انتم كلكم بتحلمو
يعنى مافيش واحد من دول راح ينفع
الا جمال مبارك علشان دى بقت وراثه
يعنى بعد 3 او 4 سنين
راحتسم ممكله مصره العربيه
مش جمهوريه مصر العربيه


وبالنسبه للاخت كيلو بترا
الشيخ محمد حسان ما يليق له هذا المنص حتى لو كل المصريين ايدوه على هذا اكيد هو راح يرفض بشكل نهائى
علشان ده راجل بتاع ربنا


وربنا يستر على مصر الايام اللى جايه

السؤال اسمح لي غير معقول اصلا لي؟ لان جمال ف الحكم اصلا وهو سيحكم رسميا فقط لكن الواقع انه يحككم او يشارك ف الحكم
ثانيا مع احترامنا لشخص جمال مبارك
لابد لكي نسال هل توافق علي جمال هناك شرطين
اولا ان يخرج جمال من الحكم ويصبح مواطن عادي
ثانيا لا بد ان تتاح الفرصة لالاف المصريين ليثبتوا عبقريتهم السياسة لا ان نحبس مواهبهم وان يظل جمال فقط ف الصورة ونقول انه ينفع او لا ينفع مع احترامنا لجمال مبارك كشخص وهو بالفعل كذلك واحترامنا للرئيس مبارك

حوار جميل وبناء بس يريت تكملوة ومفيش حد يغيب عننا