قصيدة (بوتيكات)للشاعر احمد فؤاد نجم (عن الغني المفاجئ السريع)

بوتيكاتي الناتي كواناتي
وشقق مفروشة وعمولات
يا بلدنا يا اخر فتاكات
بوتيكات الناتي كواناتي
شبيك لبيك فتح مخك
لبيك شبيك غمض عنيك
حتقفل مخك حنطخك
ونلوشك لو تفتح عنيك
ركب قرنين تركب مازدا
وتعيش سلطان ف البرواز دا
مش عاجبك ف الجبنة الفازدة
والعيش والفول والكرات
يا حلاه الناوه كواناواوة
يا بلدنا يا اخر فتاكات
بوتيكات النات كوانات
شيال المنيا الكحيان
ف ثواني اتمول واتحول
بقي مسيو عليوة عليان
ازاي؟
ما هي بوظة ومعروفة
وارانب صاحية ومدبوحة
تتاستك تبع البنوكات
يا حلاة الناوه كا وناواه
يا بلدنا يا اخر فتاكات
بوتيكات النات كوانات
حتقولي فقرا ومشاكلهم
دي مسائل عايزة التفانين
وانا راي نحلها رباني
ونموت كل الجعانينوبهذا محدش حيجوع
لو نعلن هذا المشروع
وحنقفل هذا الموضوع
نهائيا
ونعيش ف تبات
يا حلاوة الناوة كاوناوة
بوتيكاتي الناتي كواناتي

هل فعلا ما قاله الشاعر الكبير صحيحا؟

ممكن تكون بتفكرنا باحمد عز وشلة  الدكتاتور مبارك والمنتفعين بتوعه وشلة الحزن الوطني

ههههههههههههههههههههههه

ههههههههههههههه


عظيم هذا الرجل

ومن قام بنقل الموضوع هو اعظم

وليد مهران

انت الاعظم ياوليد دائما بالغ الذوق والرقة
وبخصوص راي الزائرة ممكن يكون كلامها صحيح

نتمني ان الثورة تقضي علي كل الظواهر الطفيلية