لي احنا عايزين مرتضي منصور رئيس للجمهورية؟

في تغيير جذري حيحصل بالبلد
النسر اللي علي العلم حيتغير وسيضع مكانه سي دي
مرتضي مالوش صديق دائم هو عدو الثورة والاخوان والسلفية ونظيف ومبارك
وبعد سنتين حيزهق ويرفع قضية علي مصر
مرتضي محامي شاطر حيثبت بالادلة والوثائق ان مصر كسبت كاس العالم ثلاث مرات بس احنا مكناش عارفين
مرتضي عفاريت الدنيا بتتنطط ف وشه لو شاف اباما ومصبحش اباما عليه حيعلن الحرب علي امريكا و
ويا صابت ياخابت
اما شوبير امامه حاجتين يا ينتحر يا ينتحر لانه ياينتحر يايبقي زعيم معارضة واذا شوبير بقي زعيم معارضة مرتضي حيطلعلو سيديهات لما يخليه ينتحر للمرة التانية
مرتضي حيكسر الحاجز بين الرئيس والمواطن مش حتقعد تسمع ايها الاخوة المواطنون
ولم اكن انتوي وحريص كل الحرص وكلام مبارك الكبير ده
مرتضي دمه خفيف وكل ليلة حيحكيلنا حدوتة قبل النوم
الذمالك ف عهده حيبقي نادي القرن العشرين والواحد وعشرين والتلاتين وحيثبت بالادلة انه اي الذمالك نادي القرن الاول الميلادي وعنده سيديهات ووثائق بالموضوع ده اما الاهلي لاعيبتو اما يداروا او يستخبوا او يهاجروا استراليا
وااللي حيفضل ف البلد فامن الدولة كفيلة بيه


او حيسافروا استراليا
واذا بقي بعض الاهلاوية فامن الدولة كفيلة بيهم