قصيدة لهشام الجخ عن غربة المصري في بلده واهانته في بلده مصر

شعور سخيف انك تحس ان وطنك ضعبف

صوتك ضعيف رايك ضعيف

انك تبيع قلبك وجسمك

انك تبيع قلمك واسمك

مايجيبوش حق الرغيف

وشعور سخيف انك تكون رمز لشحاته

تبني مبني للشحاتة

تعمل وزارة للشحاته

يا ساقية دوري عدي عليل ودودس

نصبوا عليا وشحتوني فلوسي

ربطوني فيكي حتي ماتغميت

هما اللي فرحوا وحدي انا اتغميت

انا اللي صاحب البيت

عايش بدون لازمة

ولما مرة اشتكيت

ادوني بالجزمة

انا اللي زارعك دهب

بتاكليني سباخ

ان كان دا تقل ودلع

بزيادة دلعك باخ

لا شفت فيك هنا

ولا شفت فيكي ترف

كل اللي فيكي قرف

كرامتنا متهانة

واللقمة باهانة

يعني اي تبقي انتي هبة النيل يا بوبة

وكل يوم الميه تقطع

يعني لما اشتكي غلو الفاتورة

يقولوا تشتكي ادفع

لما قش الرز ثروة بتتحرق

واما نفط الامة ثروة بتتسرق

اما جلادك علي ولادك بيبطش

واما علمك مايلاقيش ياكل فيطفش

وطن وغرقان ف النطاعة

كل شيئ ريحته نطاعة

علمونا بالعصابة

ورضعونا الخوف رضاعة

علمونا ف المدارس يعني اي كلمة قيام

علمونا نخاف من الناظر فيتمنع الكلام

علمونا ازاي نخاف وازاي نكش

بس نسيوا يعلمونا الاحترام

فمتزعلوش لما ابقي مش بسمع كلامكم

ومتزعلوش لما ابقي خارج النظام

مستني اي من طفل ربوه بالزعاق

غير المشاكل والخناق

كل اللي يقولك بحبك دول نفاق

انا لما قلتلك بحبك كان نفاق