مقارنه بين الواد الفافى والواد بتاع الشارع البيئه

1- الواد الفرفور
1- الواد من دول يصحى من النوم ع صوت عصافير
2- يدخل الحمام ياخد شور ويغسل شعره بشامبو اتنين فى واحد وبلسم بقا وحاجات بنتفرج عليها فى التلفيزيون بس شامبو بقا من ايطاليا ويحط جيل بالمرز من فرنسا وطبعا لازم معجون الاسنان اللى اسمه ده سبجنال تو بيافرج ع الا م بى سى كتير

3- بطلع من الحمام بقا بلاقى الداده مستنياه بفوطه من حرير طبعا وتلاعبه وتهزر معاه بالانجليزى
- الداده طبعا معاها دكتوراه من جامعه اسفخس بلندن
4- يخش ع اوضته ويفتح الدولاب وبطلع منه هدومه المكويه واللى ريحه الاريال فايحه فيها ارياال نسيم الصباح طبعا
5- يجيب جزمته من الجزامه 00000 اللى مليانه جزم وكوتشيهات 00000000000 تقولش دخل توكيل تمبر لاند او سيتى ستارز او كارفور
6- ينزل يفطر مع مامى بقاودادى والفطار طبعا كورن فليكس او شيكولات 0000000 مش بيكو بسكى او راسكو او نواعم
7- يسلم ع مامى ويبوسها بعد ما تكون حطتله الدولارات بقا او الدينارات فى الشنطه بتاعته ده غير بقا سندوتشات التشيزبورجر والشيبسى والعصير والجهينه او ايزى موزو حد فاكر الاعلان ده ؟
8- يسلم ع دادى يديله البوكيت مونى بالدولار ما يعرفوش حاجه اسمها جنيه طبعا دى عمله انقردت من زمان
9- يطلع من البيت لابس الشنطه بتاعته بقا والبرفان جايب لاخر الشارع يلبس شنطته والكتب ع ضهره الشنطه بتاعته نشوفها بقا مع الخواجات فى شرم وبس
10- يركب الباس مع زمايله بتاع السكول ويشاور للداده (باى باى) وبغنى مع زمايله بالانجلش او الفرينش

2- الواد بتاع الشارع اللى هو البيئه يا معلم اتفرج بقا
احم احم 1- اخوه يصحيه برجله ومش عايز يصحا الباشا مئضيها سهر وصرمحه لحد بعد الفجر
2- طبعا العيال دى ما تعرفش يعنى ايه غسيل وش بعد ما يقوموا من النوم هما شويه خناق ما اخوتهم الصبح بدل تمارين الصباح والرياضه والكلام الفاضى ده بالنسبلهم
3- طبعا بعد الخناق بيبقا جعان ياعينى وعايز ياكل تلاقيه يحوم فى المطبخ ويدور فى البيت ع اى حاجه 000 انشالله صرصار حتى 000 برضه هياكله من الجوع
- علشان كده ما تلاقيش صر اصير فى بيتهم
4- بعد ما يحط فى بطنه اى حاجه فى رغيف يدور ع اى حاجه يلبسها 000 القميص تحت السرير مرمى 000 يلقع اخوه الصغير وياخد البنطلون بتاعه وهو نايم
_ هدومه كلها مكرمشه تقولش طالعه من بوق كلب _
5- طب وبعدين ساعتين بيدور ع الجزمه 000000 مش عارف رزعها فين واخوه الكبير خارج من بيتهم حافىكمان علشان ما يقولش انه خدها 0000 يفتكر اخيرا انه حاطط فرده منهم تحت التلاجه 00000 والتانيه فوق الدولاب ده لو اكان فى دولاب اصلا _ طبعا ما يعرفش فى اختراع اسمه الشرابات _
6- جه معاد حرب كل يوم 000 يا اماه عايز مصروفى 000 مصروف ايه ياض انت مش واخد امبارح ولا هو كل يوم مصروف يعنى 000 مافيش اى حاجه ؟ فى الحاجه دى طبعا ديب تقوم ضرباه بالحله ع دماغه 0
7- الباشمهندس الصغير 000 ما يعرفش فين كتابه ولا كشاكيله اصلا علشان كده بياخد اى كتاب موجود فى البيتاو اى كراسه وخلاص وما يعرفش طبعا انه فى اختراع برضوا اسمه قلم 000 غير اللى بياخده ع قفاااااااه

8- هيروح مدرسته ازاى ؟؟؟؟؟؟ طبعا اى ميكروباز او عربيه نص نقل او عربيه قصب معديه فى الشارع ويقضيها شعبطه000

_ لياااااااااااااااااااااااااااااااااااااااااااااااااااااااااااقه _

يارب يكون الموضوع ده نال اعجابكم ودايما المنتدى الجميل ده فى تطور وجديد يارب
!!! ابن القضاه !!!

قشطه عليك يا قاضي موضوع جميل جدااااااااا :lol: :shock: :P