قمار جوزيه ... وحذر البدرى

لماذا لم تتعلم قواعد القمار من جوزيه يا بدرى ؟ هل لم تكفيك خمس سنوات ؟ اكيد كل الناس فاكره كنا بنقول على جوزيه ايه ... لما الاهلى كان بيبقى خسران كان بيجيب عربيه نقل يملاها مهاجمين وينزلوا هجم على الملعب ؟ كتير كنا بنستغرب ونقول ازاى يعمل كدا لازم يأمن ورا كويس لكن لو عدينا مرات نجاح طريق جوزيه فى اللعب بتلات مهاجمين عند الحاجه هنلاقيها كتير جدا ! !! ولم تفشل هذه الطريقه الا فى مباراه واحده فقط هى مباراه الترجى اللى كانت مباراه استثنائيه للشرميطى وبردو استثنائيه لعماد النحاس !!!! اينعم كلفتنا بطوله بس ياما جابت بطولات !!! هى دى ببساطه مشكله البدرى ؟؟؟ خايف من الخساره فالمتش وخايف يثبت التشكيل احسن الناس تقول هو جاب اللاعيبه دى ليه دا غير ان اللاعيبه نفسها مش هتسكت ؟؟؟ ودى تانى مشكله او تانى درس من جوزيه ؟؟ اللى تغلب به العب به ؟؟ مالكش دعوه باى اعتبارات لان كدا كدا الكل مابيفتكرش غير النتايج محدش بيقول دا لعب فلان وقعد فلان ولعب ناشئين ؟؟؟ نيجى لتالت درس من جوزيه وهو سرعه اجراء التغيير حتى لو كان فالشوط الاول وياما عملها جوزيه ؟؟؟ فكر بسرعه الوقت فالمتش مش طويل لازم تاخد القرار بسرعه ودا اللى بيميز مدرب عن مدرب ؟؟ امتى تعمل التغيير مفيش مدرب فالعالم بيسيب التغيير التالت للاخر عشان لو لاعب اتصاب امال ايه لازمه التغيير التالت اصلا ؟ نيجى بقى للدرس الوحيد اللى اتعلمه البدرى من جوزيه ودا للاسف درس فالاوفسايد بلغه الكوره وهو العصبيه الزايده فالمتش ؟؟؟ جوزيه كان عصبى اه ومورينهو احسن مدرب فاخر 7 سنين عصبى جدا ؟؟؟ لكن العصبيه دى مابتخرجوش عن تركيزه ؟؟
نيجى بقى لمميزات البدرى بكل موضوعيه ؟؟؟ اولا الابقاء على لاعب حتى لو كان مش موفق فالتشكيل الاساسى ( لكن لامانع من تغييره عشان محدش يفهمنى غلط ) والدليل الابقاء على فضل فالتشكيل الاساسى رغم ابتعاده عن مستواه .. مفيش اى مهاجم راجع من اصابه بيستعيد مستواه فالتدريب او على الدكه وكلنا فاكرين فلافيو اول موسم وبردو متعب مع منتحب مصر!!!! تانى ميزه تغيير مكان جدو وبركات باستمرار على الونجين واللى بيتفرج على كوره انجليزى هيلاقى ان مانشستر احتفظ بالدورى موسمين بسبب تغيير الونجين بين رونالدو وجيجز او نانى وانا مش مع اللى بيقول ان جدو مش لاقى نفسه زى كابتن محمود بكر ؟؟ بالعكس لو حللنا اداء جدو هنلاقيه احسن واحد فالاهلى الفتره اللى فاتت كتهديف جونين فاخر متشين وكصناعه اهداف ينقصه فقط ان يجد المهاجم القناص الللى يقدر يسجل !!!
واخيرا اعتقد ان هذا التوقيت غير مناسب تماما لتغيير الجهاز الفنى خاصه لو مدرب اجنبى عشان هيحتاج وقت والاهلى فموقف حرج افريقيا وبالتالى من المناسب الابقاء على الجهاز الفنى على الاقل حتى نهايه البطوله الافريقيه ولنرى ماذا سيفعل البدرى ونديله فرصته كامله ...........