الحب اقوي ام الجرح

موضوع: الحب اقوي ام الجرح 2010-10-14, 1:11 am

الحب اقوي ام الجرح

الاول ازيكم يا اجمل اعضاء منتدي الرفشة وحشتوني جدا

عندي موضوع كده يطرح للمناقشات والاستفتاءات

الاول هل الحب اقوي ام الجرح اقوي ؟

يعني عاوزين مع بعض كده نناقش الحب اللي بيدوم وميتنساش ولا الحرج اللي ميتنساش ؟

في مقوله بتقول :

لما يكون الحب بجد قوي يكون الجرح قوي

بس انت ممكن تنسي حبك مع حد تاني تلاقي يحبك او حب جديد يظهر في حياتك اما الجرح لا ينسي لانه ذكري اليمه في حياتك

وده لحاجه بسيطه قوي انا اللحظات الحلوه اللي في حياة كل انسان بتعدي من غير متاثر نفس التاثير للحظات الالم لانه بيوجع قوي بس الحب بيضفي اضاءه وبريق للانسان .

طب تعالوا معي كده نشوف وانت بتحبب تبقي الدنيا عامله ازاي .

لما تكون في حاله حب :

اولا : مش بتفكر في نفسك لوحدك انت دايما معاك شريك .

ثانيا : لو فيك اي عيب او عاده سيئه بتحاول بكل ما اوتيت من قوه كي تمحي هذه العاده او العيب من حياتك .

ثالثا : انت دايما بتفكر في مستقبلك وتفوق لحياتك العمليه حتي لو كانت الدنيا ملخبطه معاك شويه بتعافر علشان تغير الحياه اللي انت فيها لاحسن

رابعا : دفعه قويه في حياتك بقوه 5000 نيوتن بتبقي واخد الدنيا بصدرك ولا حد همك .

خامسا : دايما مزاجك حلو ومرتاح البال لكي تبدع فيما تحب و وتهوى .

احساسك دايما عالي بالي حواليك

لما تلاقي حد في قصه حب بتحب تسمعله وتناقشه في مشاكله لو حكيهالك

لما تكون وياك حبيبك بتحس انك مالك الدنيا وما فيها

دايما حبيك في صوره قدام عنيك مش بتتشال ولا تتغير

مشاعرك فياضه – ممكن توصف حبيبك في خواطر شعريه – ممكن تتحول من شئ ليس لها هدف في الحياه لحد له طموح يوصل لنجوم السما لو طالها

تتخلي عن كل ما يضرك حتي تحافظ علي حبيبك

دايما شكلك حلو – مظهرك مشرف – طريقتك واسلوبك في المعامله مع اي حد يشهد ليها بالذوق العالي .

بتبقي بتحط نفسك في وضع المسؤليه ودايما عاوز تكون قدها .

لما بتكون بتحب

تفتكر كل مكان وموقف في حياتك مع حبيبك – اغنيه حلوه سمعتها معاه في موقف جميل – سيم من الكلمات مش حد عارفه الا انتم الاثنين ( لغه الحب )- كل صوره لحبيبك معاك محفوره في الذهن والذاكره لا تمحوها كل عوامل التعريه

كل كلمه حب بتقولها في صدق المشاعر ودفء الاحاسيس

واهم حاجه

الاحساس بالامااااااااااااااااااااااااااااااان - الحنيه – اللهفه والشوق – العواطف الجياشه – السعاده والتمتع بفن اسعاد الحبيب

كل ده حب ولحظات جميله يمكن بعد ده كله تلاقي احسن منه مع حد تاني لو حصل وحبيت بعد حبيبك الاولاني .

بس تعالو نشوف لو الشخص ده انجرح جرح عميق علي قد حبه ؟

اولا : بتسود الدنيا في وشه .

ثانيا : كل اللي فات وقلته بيقلب الي الضد تماما وبضرب الدنيا طناشششششششششششششششششش حتي يفيق من جرحه .

ولكن لاينسي لحظات الجرح لانه احساس يصعب علي القلب وصف ما بداخله لانه احساس لا يشعر بيه الا من جرح وذلك لان الجرح بيكون علي قد الحب

وبطبيعة النفس البشريه لا تنسي الالم حتي لو اصبح ذكري داوتها الايام تصبح ذكري مؤلمه .

عندما يكون جرح الزمان يكون جرح محفور بالقلب والعقل والذاكره لا يمحوه الا الموت

يا ريت تشاركوني الراي ونعمله استفتاء كده ونشوف الناس هتقول ايه

موضوع: رد: الحب اقوي ام الجرح 2010-10-14, 9:22 pm

انا شايفة ان الموضوع نسبي
بمعنى ان بيختلف حسب طبيعة الشخص وحسب شخصيته
لو من النوع الرومانسي اوي وحساس بزيادة هيكون الجرح عنده هو نهاية الحياة وطبعا هيكون اقوى بكتييييييير من الحب
لانه اتصدم صدمة عمره
اما لو انسان عقلاني ومتسامح فهو اكيد الجرح عنده مش هيدمره بس هيكون الحب اقوى من الجرح لانه بطبعه متسامح هينسى الجرح او على الاقل مش هيحس بألم جامد بس هيفتكر الحب
وبس

موضوع: رد: الحب اقوي ام الجرح 2010-10-26, 10:28 pm

من وجهة نظري ياجوليت انو كلامك مظبوط وقمة في الجمال عن نفسي الحب والجرح الاتنين اقوى من بعض وما بيتقرحش اوي غير الي بيحب اوي.......... على فكرة على قد ماتكوني مجروحة من هالشخص بس ساعة ماتتذكري انو قديش كان طيب وحنون معك وعلى قد ماكان بيبادلك اجمل المعاني والاحاسيس على قد ما بتحزني اكتر انو من اليوم ورايح ماراح اعيش هالاحساس الرائع راح تبقى مجرد ذكرى مؤلمة في قلبك راح تحسي بمعاناة الجرح والفراق......ولا شو رايكوا؟؟؟؟؟؟؟؟؟؟ بس الحب بجد على قد ماانو احساس رائع على قد ماانو بيجرح وبيعذب.......... *يضرب الحب شو بيعذب شو بيذل* قولت هالمغني............... موضوع رائع جوليت

موضوع: رد: الحب اقوي ام الجرح 2010-10-26, 10:46 pm

بسم اله الرحمن الرحيم الاجابه رقم واحد ههههههههههههههههه
بجد موضوع جميل بس انا من وجهت نظرى تتلخص فى جمله واحدة
(اللى بيحب بجد بيسامح) مشكورة جدا
تحياتى شكرا لك