انا هغير الواقع (اقرو وانتو تتاكدو)

تعالو نغير الواقع

كلنا بني ادمين الحمد لله وربنا ادانا مميزات كتيرة

عشان نختلف بيها عن الحيوانات والجماد والنبات

وادانا اختبارت عشان يشوفنا هنستعمل المميزات اللي ادهالنا في الاختبارت دي ولا لاء

وكلنا بنقع في مشاكل ومطبات في حياتنا بنحس وقتها ان الدنيا قفلت ومش هتفتح تاني

لكن برحمته علينا الدنيا بتكون احسن بأذن الله

ومن هنا جاتلي فكرة تغيير الواقع........استهدوا بالله كدة عشان نعرف نتكلم

ازاي كل واحد فيينا يغير الواقع الممل الكئيب الغتت اللي هو معيش نفسه فيه

يغير الاساليب الغبية اللي بيتعامل بيها مع خلق الله

يحاول يفكر بأسلوب مرتب ومهذب واخلاقي وديني قبلهم كلهم طبعا

اطلب المشورة من اللي حواليك......اسمع ليهم وفكر وخد قرارك

ما تخليش حد يملي عليك تصرفاتك ولا يأثر عليك
استشيـــــــــــــــــــــر
ولا خاب من استشار
يعني ما يبقاش صوتك من دماغك

طور من نفسك........وحبها لان كل واحد مننا يستاهل انه يحب نفسه ويستاهل انه يتحب

لو بتحب حد روح قله ده للولاد طبعا اما البنات يعني لو في اي بنت حاسة انها بتحب صاحبتها او بتحب قريبتها قليلها
وشوفو هتتعاملوا ازاي مع بعض.......
عارف ان الناس مش ملايكة ولا كلهم طيبين
وفيهم المؤذيين اللي همهم الاول والاخير يأذوا خلق الله ويجرحوا فيهم
ما تحاولش انك تكون الشخص دة
ركز مع نفسك.......عاتبها شوية.......يمكن تكون انت الشخصية الجارحة القاسية
ويمكن طبعا ما تكونش.......
حاول انك تتجنب الشخصيات المؤذية دي
لانك اكيد حد تستاهل انك تتعامل مع ناس كويسة طالما انت بتتعامل معاهم بطريقة كويسة
عامل الناس زي ما تحب انك تتعامل
راعي الناس وقت النرفزة........استحملهم عشان يستحملوك وقت شدتك
خليك جدع......راجل....حمش....قاطع غير متردد في تصرفاتك
ان كنت ولد ولا بنت

معلش ابعدت عن العنوان
وان كل واحد فينا بايده يغير الواقع بتاعه
دة لو الواقع بتاعه مش عاجبه وخانقه وقارفه
لازم انت تتغير الاول عشان الواقع بتاعك يتغير
قرب من ربك......طيعه واسمع كلامه
ارضي اهلك وحطهم فوق راسك.....
حب اخواتك....راعي اصحابك
خلي عندك مبدأ ورأي
خليك مرن بلاش ام العند اللي بنبهدل بعض بيه دة
اعرف ان رأيك صواب يحتمل الخطأ ورأي غيري خطا يحتمل الصواب

خليك مستمع اكتر من انك تكون متكلم.........اولا هتتعلم هتستفيد من اللي قدامك
ان شالله لو كان عيل صغير
لان اللي بيتكلم كتير بيغلط كتير والغلط الكتير بيخسر كتير
واكيد محدش فينا بيحب يخسر
كلنا بنحب نكسب دة طبع ولاد ادم.........
حاول انك تلاقي نفسك بحق وحقيقي.......في ناس بتعيش عمرها كله ما تعرفش نفسها
حاول قبل ما الاوان يفوت
بطل انانية وحب النفس والذات........
حب اللي حواليك..حبلهم الخير زي ما تحبه لنفسك
كفاية كره وحقد حسد.....نضفوا الاسود اللي جوة قلوبنا دة بقى
احنا لسة شباب
لازم نلحق
وكمان عندنا فرصة........
يعني لازم نسوي الهوايل ونعمل اللي ما تعملش
انا قصدي الحاجات الكويسة اللي تخلينا نغير الواقع
مش ننيله بالسهر والشيشة والخيم والحاجت اللي........( خليني ساكت)

يعني من الاخر هنعمل ايه

من الاخر كل واحد عاوز يغير الواقع بتاعه
يجيب ورقة وقلم
ويقسم الورقة نصين بالطول
ويكتب اللي قرفه في حياته ومطهقه في عيشته
من نفسه قبل من اللي حواليه
وفي النص المقابل الحل او الطريقة اللي هيخلص بيها من المشكلة او الحاجة اللي خنقاه دي.........
بعد كدة في وش الصفحة التاني اللي فاضي.......
تكتب فيه الانجازات اللي اتعملت في شخصيتك او الشئ اللي قدرت تغيره
الورقة دي حاول تكون فيها صادق مع نفسك
بتراعي ربنا وانت بتكتبها..........
وكل فترة تكتب الانجازات او العقبات اللي وقفت معاك
واهو ادينا بنحاول نغير الواقع............
ودمتم سالمين.........

[ندعوك للتسجيل في المنتدى أو التعريف بنفسك لمعاينة هذه الصورة]

الله عليك وتسلم ايدك والله يا اشرف باشا وبجد مجهود رائع وبشكرك جدا علي الفكرة دي ودائما للأمام ان شاء الله يا غالي

[ندعوك للتسجيل في المنتدى أو التعريف بنفسك لمعاينة هذه الصورة]

اللة عليك ياشرف
بجد موضوع كبير هو دة الشغل الى بحق وحقيقى
سلم يمينك يافنان
روعة موضوع روعة

طور من نفسك........وحبها لان كل واحد مننا يستاهل انه يحب نفسه ويستاهل انه يتحب

والله العظيم دي أحلى جملة كتبتها يا أستاذ أشرف
حاول تحب نفسك...زي ما بتحب اللى حواليك
بس عموما الموضوع كله جامد

الله ينور عليك يا اشرف باشا هوه ده الكلام وحمد الله على السلامه من بعد الغياب

اشرف موضوعك حلو ماشى بس انا شايف تعليق من العضو بروكين غير مطمئن وبصراح انا قلقان من العضو ده وشوفتك

موضوووووووووووع جااااااامد

بس عايز اقول حاجه

منور كل الدنيا ياولييد باااااااااااااااشا
فى هذا الموضوع

يا جماعه موضوع اشرف جميل جدا وحاولوا تفهموا الموضوع صح وفيه حاجات كتير لازم نعملها ولازم نغير الواقع وانا علي نفسي مع اشرف في الموضوع ده وتسلم ايدك يا اخي اشرف وبجد دايما زوقك جميل في موضوعاتك الجميله [ندعوك للتسجيل في المنتدى أو التعريف بنفسك لمعاينة هذه الصورة]

مشكوووووووووووووووووووووووووور جدا جدا جداااااااااا علي ردودكم الجميله وعلي زوقكم وبشكر الاستاذ محمد ابوالولي واحمد جمال وابوفهد وبروكين ووليد كشفتك هههههههههه والورده الجميله بجد منورين وبصراحه انا حبيت الموضوع ده وحاسس انكم قريتوه وحستوه بجد وانا مبسوط بده قوي وحاسس اني عملت حاجه جميله يارب حيتنا كله تكون جميله

وياريت نغير الواقع

وليد مهران الديب كتب:: اشرف موضوعك حلو ماشى بس انا شايف تعليق من العضو بروكين غير مطمئن وبصراح انا قلقان من العضو ده وشوفتك

والنعمه انت الي تقلق ياوليد طبعا كلام عادي من الاخت بروكين انت الي شكاك بس نورت ياغالي

يا جماعة الموضوع بسيط متكبروش الحكاية

حيرت قلبى معاك
عاوزنا نغير الموضوع
ونفتح موضوع الغاز حبيب قلبى بجد صفحتك اخر حلاوة يااشرف ياغالى

واضح انكو بتتكلمو عليا من ورايا
لو استاذ وليد عنده كلمة يا ريت يقولها من غير ألغاز
كلامي مش مطمئن فى ايه بالظبط؟؟؟؟
زي ما قال أستاذ أشرف انا كان كلامي عادي جدا

يا جماعه فعلا كلام بروكين عادي جدا ودي وجهة نظرها زي اي وجهة نظر واحد فينا وياريت بلاش نبقي نشك اوي كده في بعض
ووليد يا جماعه بيهزر انا عارفه يعني الحكاية مش مستاهله واحنا كلنا واحد مع بعض في المنتدي وتسلموا يا جماعه علي الموضوع والردود الجميله دي

[ندعوك للتسجيل في المنتدى أو التعريف بنفسك لمعاينة هذه الصورة]

والله ما عارف ايه الحكاية كل اما اكتب رد لحد الاقى هجوم قاسى اتجاهى

لالالالا انتوااتغيرتوا معاية

اشرف انا شوفتك

والله يا جماعة الموضوع وما فيه انى انا عايز يكون فى اختلاف فى نوعية الردود بس مش اكتر من كده

اما عن الاخت بروكين
اعلمى ان الاعمال بالنيات ويعلم ربى انا ما قصدت سوء انا بهزر

عادى يعنى انا كده
واخيرا
العضو بروكين اهدى لك اغنية شكلك مايطمنش

وبردوا هزار

يا جماعة اوعوا تفتكروا انى انا عملت للخلف دور لا انا بس بوضح وجهة نظرى

انا كده ومش هتغير شخصية تحير

واللى عاجبوا عاجبو واللى مش عاجبويكبر

اصلى انا ابن بلد مش ابن بندر

لا اعرف اطبطب ولا اراضى وانا والله كده عن نفسى راضى

انا احب اقول راى من غير مجاملة ووجهة نظرى غير قابلة للمداولة

انا يمكن اكون دكتاتورى لكن ما بحبش العب دور منش دورى

وعلشان انا ردى على الناس بيعمل غارة انا بطلب من مدير المنتدى يشيلنى من الادارة

ومن النهرد انا هدخل كزائر اشوف المواضيع كده ع الطاير

من غير ما اكتب ردوود ع المواضيع وتحصل مشاكل والمنتدى يضيع

واخيرا استودعكم من هو امره ما بين الكاف والنون وياريت محدش يقول عليه مجنون

متزعلش ياعم وليد احناصحاب قبل المنتدى وياريت ياخوانا محدش يزعل من حد

على فكرة الموضوع مش مستاهل كل دة
وانا كنت عارفة ان استاذ وليد بيهزر
وانا كمان اخدت الموضوع هزار
حصل خير يا جماعة
كلنا اخوات فى المنتدى ومحدش يزعل من حد

يا جماعه عملتوا من الحبه اوبه علي رأي المثل
ده موضوع بسيط واللي يعرف وليد مش هيزعل خالص وبالعكس هنضحك ونسكت هههههه
وبجد احلي اعضاء وتسلم ايديكم

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ازيكم يا شباب وايه الاخبار يا رب تكونو كلكم بخير

ايه ياد يا وليد هو انا اسيب المنتدى فتره يتقلب كده ماشى
بس انت ردك جامد على فكره يا وليد وانا معاك فى لاهداء ده واغنيه ديه جات فى مكانها

حمد الله على السلامه من بعد الغياااااااب

ياatef

حمد للة على السلامة ياعاطف باشا اية يعم الغيبة دى كلها
اتمنى تكون بخير نورة المنتدى والدنيا كلها
الحقنا يعم الحاج شوف الى بيحصل
حب. وخناق. وعتاب. والى عاوز يحبسنا ويودينا ابو غريب
المهم اهلا وسهلا

[ندعوك للتسجيل في المنتدى أو التعريف بنفسك لمعاينة هذه الصورة] والله بعوده يا رمضان ههههههه قصدي يا عاطف
ايه ياعم الغيبه الطويله دي وبجد زعلنا جدا في غيابك لكن لما نشوف اعذارك ونحكم بقي
وشوفلنا الحاج وليد بيعمل ايه ياعمنا
كالعاده مولع الدنيا وربنا يستر علينا ههههههه

[ندعوك للتسجيل في المنتدى أو التعريف بنفسك لمعاينة هذه الصورة]

اولا السلام عليكم ورحمته وبركاته
ازيكم يا احلي اعضاء اوحشتونى بس معلش انا مش فاضي اليومين دول بس ان شاء الله احاول انى اداوم علي المنتدى
ثانيا بالنسبة لموضوع اشرف بقوله تسلم يا برنس الليالي يا رمانة الميزان بجد وحشتنى اغانيك يا فنان وتسلم فعلا علي الموضوع
ثالثا بالنسبة لوليد البوب انا بقول انه ما حدش يزعل منه لان البوب شخصية جميلة ودايما يحب الهزار وانا بالنسبالي كرئيس تحرير ما ينفعش انك تمشي من المنتدى ولول مشيت ده هيكون زعل بينى وبينك ده بعيد عن المنتدى ويا ريت الناس تتعامل في المنتدى بحسن نية وما نفهمش بعض غلط ويا ريت نعدى لبعض مش كل واحد مستنى التانى يغلط
اظن كده الرسالة وصلت
والسلام ختام

وعليكم السلام ورحمة اللة
وخامسا حمد للة على السلامة نورة يا كبتن بسام ليك وحشة ياكبتن

» قصة من الواقع ......
» هذا الواقع
» دعاء جميل اقرو وقولو امين يارب
» الف مبروك لشعب المصرى (كول عام وانتو بخير)
» كل عام وانتو بالف خير اهلى الرفشة والسرطنية وجميع الامة الاسلامية