أنا كنت رايح أقابل ربنا تخيل...

بسم الله الرحمن الرحيم
السلام عليكم ورحمه الله وبركاته

بسم الله والصلاه والسلام علي رسول الله سيدنا محمد صلي الله عليه وسلم ثم أما بعد:

أولا أتمني من الجميع كل من يقرأ هذا الموضوع أن يقرأ بقلبه ويتخيل نفسه في الموقف ده , هذا الموقف حدث لي أول أمس يوم الأحد 24/10/2010 تقريبا حوالي الساعه 8:50 صباحا وأنا ذاهب للدراسه ,الموضوع ده حدث لي أنا "محمد مهدي" مش موضوع منقول ووالله حدث مش قصه واهيه,

وأنا بعدي الطريق سمعت صوت فرامل العربيه ايلي بيحصل ساعت حدوث الحادثه كان صوت طويل وعالي وفجأه ملقيتشي نفسي إلا وأنا فوق السياره الملاكي معرفشي ايه ايلي حصل بس الحمد لله ربنا سترها ومحصليش حاجه والناس تجمعت والكل

بيطمن عليه نوديك مستشفي وكده والراجل نزل من السياره وقلت له قدر الله وماشاء فعل أنا أسف أنا ايلي غلطان أنا كنت ماشي سرحان والحمد لله مشيت وكملت مشواري والموقف انتهي وعدي ,ولكن بالنسبه لي منتهاش لأني محسيتشي

بالموقف إلا لمه روحت الموقف وركبت السياره وسرحت مع نفسي , إن أنا كنت" رايح أقابل ربنا دلوقتي" أنا كان زماني ميت دلوقتي وهل أنا مستعد أقابل ربنا وصراحه دمعت بس كنت بكتم دموعي بالعافيه علشان الناس ايلي قاعده جانبي

بس كانت دموعي بيتنزل لواحدها كانت بيتنزل أكتر كلما تذكرت إني كنت هقابل ربنا دلوقتي وتذكرت كل شئ عملته في دنيتي وتذكرت كل سيئه عملتها ياااااااااااااااااه ياااااااااااااه والله العظيم الدنيا حقيره متساويش أي شئ ,مفيش حاجه تيستاهل

إننا نعصي ربنا ,عرفت إن فعلا إن كما قال الحبيب صلي الله عليه وسلم "الجنه وكذلك النار أقرب إلي أحدكم من شراك نعله " وكذلك الموت أقرب من شراك النعل كمان ربنا سترها معايا يمكن دعوه أبي لي أو أمي قبل ما أنزل هي التي نجاني الله من أجلها بس , هل انا لي قيمه عند ربنا هل أنا بعبد ربنا كما ينبغي , مفيش شئ في النيا دي كلها من أب أم أخ أخت قريب بعيد صديق أو حتي عدو أو حبيبه أو حبيب مفيش حاجه تساوي إنك تموت وتقابل ربنا وتسأل عن النفس مش أعمالك يااااااه

النفس ربنا يسترنا يارب ويأخذنا برحمته والله عرفت ايه هو الموت علي فكره الموت حاجه مش وحشه بس طبعا ليلي عايشين لرضا ربنا فعلا يحسوا بلذته إنما ايلي بيعصوا ربنا هيحبوه ايزاي وهيبقي هدفهم يموتوا ليه بيقولوا نموت علشان نستريح "هههه

بسخريه " أصلهم مش عارفين وحتي لو عارفين ما بعد الموت مش مدركين ايه هو , لمه أذن الظهر عليه وأنا بصلي قلت لنفسي كلن زمانهم بيصلوا عليه دلوقتي وكان زماني في القبر دلوقتي وبتسأل وياتري كنت هعمل ايه هل ربنا كان هيوفقني

ويرزقني الجنه ولا ؟؟؟؟؟!!!!!!! ربنا ميكتبهاش علينا ويجنبنا النار يارب , الكلام جوايا والله كتير مش هقدر أوصله بالكتابه ومش أي حد يتأثر بالكلام ده إلا لو حط نفسه مكاني وموقفي ده مش موقف مقارنه بمواقف كتيييير بس حكيت لكم تجربه مريت بيها

وربنا هو العالم بحالي , سامحوني لو كنت طولت عليكم وكلامي مش مرتب لأني بجد بكتب ايلي أنا حاسه ويلي خارج من قلبي , أنا قررت أكتب ايلي حصل لي وأعمله موضوع عسي أي شخص ولو واحد يحس بالموقف ويحس إننا في أي لحظه هنموت , وعلي فكره أنا ليسه عندي 19 سنه يعني شاب بس الموت لا يفرق بين شاب أو عجوز أو طفل أو ولد أو بنت , ونصيحه لكل شخص بيعمل أي شئ

غلط يفوق يفوق ويعرف إن الحياه مش هتقف عليه وإن الكل هيحزن عليك لمه تموت بس وبعدين حياتهم مش هتقف علشانك هيتذكروك ويقولوا الله

يرحمه يمكن بس هيقدروا يعملوا لك حاجه طبعا لا يبقي كل واحد يعمل للحظه هيتسأل فيها أمام ربنا "لو حد بيسمع أغاني والله ماهي هتنفعك , بيتسلوا بالبنات أو بيحبوا حب حرام لا يرضي الله والله برضه ما هينفعك قس علي ذلك كل شئ مفيش شئ هينفعك غير عملك ومش عملك كله عملك الصالح

بس " سامحوني مره تانيه بس خلاصه كل ده ( إن أنا كنت رايح أقابل ربنا وهل أنا مستعد ولا لأ) كل واحد يحط الجمله دي أمامه ويسألها لنفسه ولغيره والله كلامي من قلب صادق محبيتشي أحتفظ بيه حبيتكم تشاركوني فيه علشان تحطوا نفسكم في الموقف وكثيرا مننا بيحصل له مواقف مختلفه بس لا يقف أمامها بس كل شئ بيحدث لنا هو إنذار لنا سواء شئ كويس أو لا من وجهه نظرنا شئ عكس ذلك بس كله والله خير فياريت نقف أمام كل موقف ومنعديهوش كده وأسف للإطاله ,

وأسأل الله أن يقبضنا ونحن
ساجدين ويرزقنا حسن الخاتمه ويتجاوز عن سيئاتنا يجعلنا عبادا ربانيين ووممن يتبعون سنه الحبيب وممن ينصرون دينه وأن يرزقنا الفردوس الأعلي لي ولكم ولجميع المسلمين و"السلام عليكم ورحمه الله وبركاته"....

حمدالله على سلامتك استاذ محمد مهدى وردتنااااااااااااااا

والف سلامه عليك

وربنا يستر اخرتنا

ياااااااارب

» تخيل يوم الحساب بالصور"ربنا يسترنا"...
» تخيل يوم القيامه بالصور
» تخيل لو الحياة ويندوز اكس بى!!!!
» فلافيو رايح جاي: شوقي أكد رغبة الزمالك وأبو علي ينفي تدخل المصري
» غفرانك ربنا