خفة دم السائقين المصريين وعبارات دمها خفيف بيكتبوها علي سياراتهم

بصراحة اكتر حاجة بيخافو منها الحسد شوف العبارات الاتية تحدها مكتوبة ع سيارة السائق
ما تبصليش بعين رضية وشوف اللي انصر فيا
خليك ف حالك الله يصلح حالنا وحالك
يا ناس ياشر كفاية قر
ما تبصليش يا جبان انا جايبها بدهب المدام
ما تبحلقليش كدا يا لوح انا جايبها بطلوع الروح
طلبت من ربنا اداني وعين الناس مش سايباني
يا ناس سيبوني اسدد ديوني
ما تبصليش بعين رضية دا انا طالعة عين امي ف السعودية
الحلوة خوخة جات بعد دوخة
الحلوة م اليابان وصاحبها واحد غلبان
الحلوة مش من ورث دي جاية بطلوع الدرس
دي قصة كفاح مش جاية ع المرتاح
الغريب ان في عبارات بتطلع مالهاش معني بيقولوها ف لحظة روقان وحالة نفسية مستقرة وبيكون فاصل مع العالم يعني عايش مع نفسه وبتخرج العبارة بس بيحبوها ويكتبوها
مثل
سولار ف التنك ولا دولار ف البنك
اجري جري الوحوش اتوبيس 412 متلحقوش
لا تقوللي بطاطس ولا بتجان الحلوة جاية م اليابان
المضطر يركب التاكسي
اللي حصلني يكسرني
ممكن يكون لبعضها معني لكن في بعض العبارات ليس لها معني

ياتري الكلام موجود ف مصر بس؟