شلون صاير شكلها؟ وشلون تتصرف إذا طحت فيها؟
[ندعوك للتسجيل في المنتدى أو التعريف بنفسك لمعاينة هذا الرابط]بالأفلام والكارتونات تعودنا نشوف ناس يمشون بالصحرا أو بغابة استوائية ومرة وحده يشوفون روحهم في حوض من الرمال المتحركة – Quick Sand ويصرخون “لااااااااععععع ملابسي يديدة ماركة غالية آآآآآآآآهههههه راح امووووووتتتتت!!!” يعني راح يموتون من القهر قبل لا يموتون مختنقين.
الشخصية الذكية بينهم دايما يقول كلما تقاومون وتتحركون أكثر كلما تبلعكم الأرض أسرع، بعدين يربطون شجرة أو شي يمهم بحبل ويطلعون من الورطة. وإذا في شخصية مو مهمة يشوفون كبوسه أو ايده تختفي تحت الأرض يعني راح فيها مات وكلهم يقرون الفاتحة عليه بعدين يصير تنزيلات على الكبابيس، شكو؟
[ندعوك للتسجيل في المنتدى أو التعريف بنفسك لمعاينة هذه الصورة]المهم الحين صج في شي اسمه رمال متحركة؟ إي، وحياة شنبات معتز ولد أبو عصام في.
[ندعوك للتسجيل في المنتدى أو التعريف بنفسك لمعاينة هذه الصورة]شلون صاير شكل هالرمال المتحركة؟مو قادر ألقى صورة واضحة بالأنترنت لرمال متحركة واقعية، بس الوصف يبين خليط من الرمل الناعم + طين + مياه مالحة. يعني الظاهر شكله يشبه سبخة أو أرض طينية وتحتها في شقوق وتصدعات على السطح تودي على مجرى أو تجويف مائي تحت الأرض.
[ندعوك للتسجيل في المنتدى أو التعريف بنفسك لمعاينة هذه الصورة]شوفوا هالمقاطع لقيتها بيوتيوب
:
[ندعوك للتسجيل في المنتدى أو التعريف بنفسك لمعاينة هذا الرابط]وين يروح الرمل اللي ينزل بالأرض؟الرمال المتحركة يكون شكلها ثابت بس يوم تدش فيها راح تبدي تنسحب شوي شوي لداخل التجويف أو المجرى المائي، وكلما تحركت أكثر راح تسرّع من تسرّب الرمال عبر الشقوق، لأنك يوم تتحرك قاعد تخلط الرمل بالماي أسرع عشان تصير طين والطين يتسرّب في الشقوق الأرضية أسرع. من جذي النصيحة المشهورة “لا تتحرك ولا تقاوم ترى تنبلع بسرعة” صحيحة.
يعني إذا طحت فيها راح أموت والأرض تبلعني؟إذا اخترعت وخبّصت وقعدت تفاحط عشان تطلع احتمال تموت من الخنقه إي، يعني الطين يغطيك وتختنق بس، بس صعبة حيل تنسحب تحت الأرض، إذا وقفت ثابت أقصاها راح يوصل الرمل فوق الخصر أو أسفل الصدر بشوي مو أكثر من جذي. والحركة تكون ثقيلة وصعبة بسبب لزوجة الخليط وكثافته.
الجسم البشري راح يطفح بسهولة في الرمال المتحركة، كثافة الرمل عالية أكثر من الماي بوايد، الواحد يطفح بسهولة من غير شي، بس إذا خبّص واخترع إي احتمال يغرق.
عيل شسوي عشان أطلع؟اذكر ربك وقط أي شي ثقيل عليك مثل جنطة أو جاكيت أو حتى النعالة أو الجوتي وانتوا بكرامة (واذا كان معاك واحد اسمه كُميل احذف له بوكك
[ندعوك للتسجيل في المنتدى أو التعريف بنفسك لمعاينة هذه الصورة])، بعدين مثل ما قلنا لا تتحرك ولا تقاوم وايد حاول تركد شوي، ولا تقول حق ربعك يربطون حبل ويسحبونك ممكن يعورونك لدرجة ينفصل فيها جسمك نصين إذا سحبوك بقوة كافية، صج مو قشمرة.
حاول تنسدح على ظهرك كأنك تطفح عالماي وتنفس على راحتك، كلما تتنفس أكثر كلما تطلع بسهالة أكثر وشوي شوي خلّص ريلك عالبطيء، استخدم ايدك هم عالبطيء عشان تدز روحك، إذا حسيت تعبت اركد علما ترتاح كفاية بعدين كمل، لا تستغرب إذا مغامرتك علما تطلع طوّلت ساعات، وهكذااااااا علما توصل طرف الحفرة وتطلع.
مثل ما قلت كثافة الرمل المتحرك عالية حيل وتقدر تطفح فيها بسهولة كبيرة، هوليوود مخلين شكل السالفة تخوّف أكثر من اللازم، اللي يطالع أفلام وكارتونات راح يشك حتى بفريجهم في رمال متحركة
[ندعوك للتسجيل في المنتدى أو التعريف بنفسك لمعاينة هذه الصورة].
ليش عيل وين تكون موجودة العادة؟عادة في الشواطئ أو يم الأنهار والبحيرات، الأماكن اللي فيها رمل ناعم وبجنبها مصدر مائي.
هذا مقطع مختصر حيل وعجيب عن الموضوع:
[ندعوك للتسجيل في المنتدى أو التعريف بنفسك لمعاينة هذا الرابط]هالبرنامج كنت أتابعه على قناة الكويت الثانية وانا صغير كان شي موووو طبييييعييييييي
[ندعوك للتسجيل في المنتدى أو التعريف بنفسك لمعاينة هذه الصورة] الريال عبيييييييييططططط وبرنامج حلوووو
[ندعوك للتسجيل في المنتدى أو التعريف بنفسك لمعاينة هذه الصورة]!
حتى في أحد حلقات برنامج Mythbusters يتكلمون عن الرمال المتحركة ويثبتون استحالة الغرق فيها واللي نشوفه بالأفلام خرابيط لا أكثر.
2014-12-22, 11:55 am من طرف علاء الجبالي 25
