قصيدة (مصراوية ياما يابهية يا ام طرحة وجلبية) قصيدة منقولة

يسبق كلامنا سلامنا يطوف ع السامعين
معنا
عصفور محندق يزقزق كلام موزون وله معني
عن ارض سمرا وقمرا
وضفة ونهر ومراكب
ورفاق مسيرة عسيرةوصورة حشد
ومواكب
ف عيون صبية بهية
عليها الكلمة والمعني
مصر ياما يابهية ي
يا ام طرحية وجلابية
الزمن شاب وانت شابة
هو رايح
وانت جاية
جاية فوق الصعب ماشية
واحتمالك هو هو
وابتسامتك هي هي
تضحكي للصبح يصبح
بعد ليلة ومغربية
معجبانية وصبية
يا بهية
الليل جزاير جزاير
يمد البحر يفنيها
والفجر شعلة ح تعلا
وعمر الموج ما حيطويها
والشط باين مداين
عليها الشمس طوافة
ايديك ف ايدينا
ساعدنا
دي مهما الموجة تتعافي
بالعزم ساعة جماعة
وبالاصرار حنخطيها
مصر ياما ياسفينة
مهما كان البحر عاتي
فلاحينك ملاحينك
يزعقوا للريح يواتي
اللي ع الدفة صنايعي
واللي ع المجداف زناتي
واللي فوق الصاري اشف
كل ماضي اتي
عقدتين والتالتة تابتة
تركبي الموجة العفية
توصلي بر السلامة
معجبانية وصبية يا بهية
يعود كلامنا بسلامنا
يطوف ع الصحبة حلواني
عصفور محني
يغني ع الافراح ومن تاني
يرمي الغناوي تقاوي
تبوس الارض تتحني
تفرح وتطرح وتسرح
وترجع تاني تتغني
اللي بني مصر كان ف الاصل
حلواني

صحيح دي قصة مصر قبل الثورة وكمان بتبشر بالانتصار وحصل