قصيدة (كلب الست) للشاعر احمد فؤاد نجم

ف الزمالك
من سنين
وف حما النيل القديم
قصر
من قصر اليمين
ملك واحد م الحريم
صيتها اكتر م الاذان
يسمعوه المسلمين
والتتر والتركمان
والهنود والمنبوذين
ست فاقت
الرجال
ف المقام والاحترام
صيت وشهرة وتل مال
يعني ف غاية التمام
قصره يهني هي كلمة
ليها كلمة ف الحكومة
بس ربك لجل حكمه
ثام حرمها م الامومة
والامومة طبع ثابت
جوا حوا من زمان
جابت فوكس رومي وله ودان
عنده دستة خدامين
يعني مش موجود ف عليتك
صخن زيه يا اسماعيل
واسماعيل دا يبقي واحد
م الجماعة التعبانين
اللي داخو ف المعاهد
والمدارس من سنين
حب يعمل ود فكاكة
ويمشي حبة ف الزمالك
والقيامة والفتاكة
يرموا طبعا ع المهالك
عم سمعة من قيامته
حب يعمل فيها فله
بعد ما الوظ بيجامته
اشتري حتة مجلة
قول مشي بيقرا ف حكاية
من حكايات الغرام
واندماجه ف القراية
خلا مشية مش تمام
ع اليمين يحدف بعيد
خطويتين ويروح شمال
لمحه فوكس م الحديد
قال دا صيد سهل وحلال
هب نط ف كرشه دوغري
جاب بيجامته لحد ديلها
اسماعيل بدل ما يجري
قال رجلي
رجلي مالها؟
بص شاف الدم سايح
من عاليها ومن واطيها
وياللي جاي
وياللي رايح
المجلة مش لاقيها
حبا واتلموا الظنايا
اللي هما البوابين
والحكاية والراوية
قالهم دا كلب مين؟
كلب مين
ما كلب مينشي
سمعه لبخ حبتين
قاله واحد منهم
امشي
اللي جابك عنده مين؟
قال دا شارع يا مواشي
والجميع بيمشي فيه
اللي راكب واللي ماشي
مستحيل نستغني عنه
كلمة من دا
وكلمة من دا
ظاظو واترسمت فضيحة
قول نهايته
والقصد من دا اسماعيل اكل طريحته
راحو قسم الشرطة طبعا
والنيابة كفيلة بيهم
واترموا ف الحجز جمعا
لما ييجي الدور عليهم
حبة الشاويش امين
قال سعيد النقشبندي
غريم عم اسماعيل
قالو محسوبك يا فندي
قام سي سمعه يروح معاه
الشاويش قالو غور بدمك
راح تعوصني
وفوق قفاه كف طرقع
داهية ف امك
تفتكر يفضل سي سمعه
قد اي ف القسم نايم
استضافه الحجز جمعه
يا بلاش
ادي الغرايم
شاف بلاوي متتحكيش
م الديابا المكبوتين
قال يا عالم يا شاويش
يا نيابة
خلصوه بعد المناهدة
جثة من جحر الديابة
هي يمكن ساعة واحدة كان ف مكتب النيابة
قالو مالك يا اسماعيل
قالو زي البمب مالي
قالو عضك فوكس فين
قالو سيبني اروح لحالي
انت شوف يمكن سي فوكس خد تسمم
غصب عني
والوكيل قال برضو ممكن
والشاويش قعد يغني
انت فين والكلب فين
انت قده يا اساعين
طب دا كلب الست يابني
وانت تطلع ابن مين؟
هيص يا كلب الست
هيص
لك مجامك
بكرة تتولف وزواره
للكلاب ياخدوه
رئيس

بيتهالي ان الموضوع دا كان منتشر كتير قبل الثورة وحيبقالوا توابع وحياخد وقت عشان يحصل تغيير