السيرة الذاتية للشاعر الكبير هشام الجخ كما يرويها بنفسه

يقول هشام الجخ

الناس عايزاني اكتب هنا (سي في) خاص بيا وبتاع

وانا مليش ف الحجات دي

م الاخر مبعرفش اتكلم عن نفسي كويس

لكن ما علينا

انا هشام الجخ بس

حقعد اقول سافرت وحصلت وعملت

حاسس انها شكل من اشكال (الهسوكة)غير المبررة

عموما اسمي بالكامل

هشام كامل عباس محمود الجخ مهدي محمد علي سالم ابو جاموس

عمامي من قنا وخوالي من سوهاج

اتربيت ف سوهاج ودخلت كلية التجارة هناك

كانت ايامها تبع جامعة اسيوط

حولت لجامعة عين شمس واتخرجت منها سنة 2003 وعملت دراسات عليا ف ادارة الاعمال ف جامعة عين شمس

واتعينت ف الجامعة مسئول عن المركز الثقافي ف نفس سنة التخرج

واستقلت من الجامعة ف نوفمبر 2009 ببساطة لي؟

لاني منفعش اكون موظف

مواليد اول اكتوبر برج الميزان يعني

بسمع حنان ماضي وانغام وشيرين ووائل وجسار وبموت ف ام كلثوم

لكن كوكب الشرق عندي (فيروز)بكتب الشعر علي مهلي علي مهلي جدا

بحترم الشعر بحب الشعر وبذاكره وبهام بيه ومش بقول غير وانا عايز اقوله

بعشق عيون الناس وهي بتلمع وانا واقف علي خشبة المسرح وبموت

ف كلمة الله لما تطلع من الناس

وامنيتي حياتي لما اموت العالم كله يعرف ان هشام الجخ مات

اظن كدا كفايا كلام

مع تحياتي

هشام الجخ

هشام الجخ حاصل علي جائزة افضل شاعر عامية سنة2008 ويبلغ من العمر32سنة

يحلم بان يسحب البساط من تحت المطربين ويستمع الناس الشعر بدلا من الاغاني

مشكوره اخوتى مصروايه على المجهود الكبير ده

والله هشام ده جميل
والاجمل موضوعك عنو
شكرا

اشكرك جدا يا وليد ونشر الموضوع دا ليعرف المصريون ان اقرب الناس لنبض المصريين هم الصعايدة

مصراوية شكوا على انك انت مهتمه بابن البلد

جعلكى الله زخرا للصعيد

الله يخليك يا وليد