خمسة وخميسة علينا احلى شباب

خمسة وخميسة علينا احلى شباب لا فينا واد خاين ونصاب ولا واد كداب

ولا فينا حد بتاع مصاطب وقهاوى ولا فينا حد بتاع حكاوى

ولا فينا حد لسيرة الناس هاوى وغاوى ولا فينا حد على الشر ابدا ناوى

صحبة وما شاء الله علينا كلنا احباب والشيطان بينا ما له مكان ولاعمرنا هنفتحلوا باب

خمسة وخميسة علينا احلى شباب عمرنا ما سعينا فى الخراب

شباب رفشاوى اصيل نقول الحق ويصير مهما يصير

واليلادى جينا وناوين خير بنقول صوتنا من النهاردةلاهيتحكم فيه عمدة ولا خفير

فاسمع يا نائب

اسمع يا غفلان من النهاردة مفيش طيب وغلبان

انا مش هنتخب واحد دايما نعسان ولا واحد ان كان فايق يبقى سكران

ولا واحد انا شايفه فى السلطة طمعان ولا واحد كل همو مسشفى ولادة

لااااااااااااااا حرام عليكم وبزيادة واعرفوا انى انا صاحى وواعى

واللى منكم لضميروا هيراعى هديلوا صوتى وزيادة

اما اللى منكم للسرقة واعى وفاكر نفسوا ديب سارح فى المراعى

عليه ان يعلم ان الرفشة بها شباب ناصح وواعى

وفى الاخير شباب ابوتشت وضواحيها لها كل الشكر والتقدير

شباب رفشاوى اصيل نقول الحق ويصير مهما يصير

بجد احسنت يابوب والله والله ماشاالله عليك وعلي كل كلمه قولتها كبير وليد وعقلك كبير كمان بتجيب كل كلمه في مكنها

بجد انا مش مصدق الكلام الى مكتوب ده ولله يا وليد انت شاعر من انوع فريد

بجد انا احيك اولا على اختيارك للموضوع وعلى اسلوبك الجميل ده

بجد الرفشه تفتخر بيك انك واحد من شببها الى هم بجد هيغيرو البد دى الى الاحسن

بارك الله فيك وليد مهران

اخوك عاطف

انا مش هقولك غير كلمتين وبس يا وليد
طول ما فيه في البلد شباب زي كده يبقي لسه الرفشة بخير وستدوم بخير ان شاء الله
احسنت بشده يا وليد وموضوعك ظهر كمية الحب بيننا وبين بعضنا لبعض
تسلم ايدك يا وليد