مانيش عايزة حاجة خلاص ولا محتاجة انا لحاجة ولا عايزة صحيح حاجة مخليتوليش ولا حاجة
عموما بصوا في حاجة حقولها بس محتاجة لعقول بتفهم
لو حاجة مهيش مفهومة او حاجة نفسرها بكام حاجة
نوضحها بكام حاجة واهي حاجة مع حاجة حتظهر وتبان لنا حاجة
وانا مبخفش من حاجة وانا منيش مسنودة ولا حاجة
لكن مبخفش من حاجة لكن فرضا لو حقول حاجة حيحصل اي ولا حاجة
حيعملوا اي ولا حاجة ولو بعد الشر لو واحد من القاعدين من السامعين من الضالين فهم حاجة حيعملو اي؟
اكيد برضه ولا حاجة فنتوكل علي الستار لوجه الله نقول حاجة فيه
ناس بتعيش عشان حاجة وناس بتموت عشان حاجة وناس بتموت ع الحاجة
وناس تديلك الحاجة وهي ليها محتاجة وناس تديلك الحاجة وتاخد قصادها ميت حاجة
وناس تكبر تكون حاجة وناس تصغر عشان حاجة
وناس منظر ومش حاجة وتلقاه كبير حرس ونفير عليه منظر وهو جبان وشيخ منصر ولا بينش عليه حاجة
كلامي يا خلق فيه حاجة لحد دلوقتي فيه حاجة؟ كلامي عادي وبسيط جدا ومافيهش ولا حاجة
ما انا مقدرش اقول حاجة صحيح نفسي اقول حاجة وميت حاجة لكن مش قادر اقول حاجة
لاني لو حقول حاجة حيجي ناس بتوع حاجة وياخدوني ورا الحاجة وهو لو سمع حاجة حيعملوهالي ميت حاجة
عموما لو حد من القاعدين عايزني ابلغوا بحاجة ميخفش ولا حاجة
نعم في اي؟ لا لا لا لا لا لا لا مفيش سرقة ولا تهليب ولا تهريب ولا حاجة
سمع مع هوووووووووس انا حاسس ان في حاجة دقيقة سكات لتبقي حداد انا حاسس ان في حاجة
زمنكوا يا خلق في حاجة ولا زمكو كام ولا ميت حاجة ة دا لو يعني اذا كان في حاجة انا عن نفسي مش حاسس ولا بحاجة
ولا مضايق ولا حاجة
سعادتك مش زيي مفيش حاجة ؟ اهو بيقول مفيش حاجة جنابك برضو زيي وعلشان زيي مفيش حاجة
اهو بيضحك وبيقول مفيش حاجة
مانا قلتلكو م الاول مفيش حاجة عليا النعمة يا خوانا مافي حاجة ورحمة ابويا وابوك علي اللي جابوك ما في حاجة
وعهد الله وعهد الله وعهد االله ما خللولنا ولا حاجة
بقولك اي خلاص خلص و فركش ياخوانا
2014-12-22, 11:55 am من طرف علاء الجبالي 25
