النكتة السياسية والرؤساء عبد الناصر وانور السادات وحسني مبارك ومواقف طريفة وحقيقية

والرئيس عبد الناصر عرف بتاميمه لكل شيئ حتي كان لم يكن للناس شيئ يعيشون عليه وهذا في نظر النكته اصطاد صياد سمكة كبيرة وعاد بها واذ بزوجته يبدو عليها الحزن سالها الصياد لي مالك؟ قالت ياما جاب الغراب لامه ياولية دي سمكة كبيرة ردت حنعمل بيها اي؟ قال نقليها ف الزيت مافيش زيت نطبخها ف الصلصة مافيش اوطة نسلقها ف المية مافيش جاز ولا بوتوجاز فقام مسك السمكة والقي بها ف البحر فقفزت السمكة للبحر وقالت عاش الرئيس جمال عبد الناصر اما النكتة اللي طلعت عن التاميم كانت عن تاميم الستر الستر انه ف يوم بيتخفي الرئيس عبد الناصر عشان يعرف احوال الناس فسال عن رجل فقالوا له ان مرتبه يبنفد بعد ايوم العاشر من الشهر فقال وكيف يعيش باقي الشهر قالوا له يعيش ع الستر تاني يوم اصدر قرار بتاميم الستر اما بخصوص الرئيس السادات هو بطل السلم والحرب وهو صاحب قرار العبور العظيم وهو ايضا من شهدت مصر في عهده مساحة من الحرية وكان يستمع للنكت التي كانت تقال عنه وسنلاحظ ان النكتة السياسية التي تصوره مستبدا لم تبدا الا ف الشهر الاخير االذي سبقت وفاته وذلك ب بعد اعتقالات سبتمبر الشهيرة 1981والنكتة السياسية ايام السادات تصوره انه صاحب مزاج وابن بلد وابن نكته تقول النكتة دخل السادات عند رجل ييدخن الحشيش فتناول الرئيس اولا الجوزة ثم اعطاها للرجل فقال له الرجل وهو لا يعرف انه الرئيس قال الرجل والاخ بلا افية بيشتغل اي؟ قال الرئيس انا رئيس جمهورية رد الرجل كدا اهوه من اول نفس
وبالطبع هذا شائعات عن الرئيس روجها خصومه
كان الرئيس السادات يصور نفسه كانه عمر ابن الخطاب فالتقط الشيخ المحلاوي هذا الخبر وقال سالنا الله ان يرزقنا امام عادل فرزقنا عادل امام (انت ياسيادة الريئس لست امام عادل انت عادل ؟) وهذا الخبر والذي يليه من قول الشيخ كشك يل ان الحرية ايا وتحاول النكت دائما تصوير الريس السادات بصورة الممثل وكثيرا ما انتقد البعض تصير احمد زكي التمثيلي للرئيس السادات والحق ان الرئيس السادات كان يعشق التمثيل وف العام 1936 تقدم لرائدة الفن التمثيلي الراحلة (عزيزة امير) للعمل كممثل وكان طريقته واسلوبه طريقة تمثيلية ولا عيب في هذا فهو يعشق التمثيل ويحب الظهو واشتهر الرئيس بانه كان من ضمن اشيك عشر شخصيات ف العالم السادات كانت الي حد ما كبيرة فالرئيس لا ينتقد الناقدون والشيوخ فحسب بل يشتموه ويقول الشيخ كشك التفت حولي لاجد( امام عادل) فلا اجده انما اجد( عادل امام) وجد رجال الاثار تمثالا بس معرفوش لمين فارسله الرئيس لرجال الامن بعد عشر دقائق عاد ضابط امن كبير وقال التمثال دا بتاع تحتمس التالت ساله الرئيس وعرفت منين؟ رد الضابط اعترف علي نفسه يا فندم كان يحب الرئيس المنولوجست (حمادة سلطان)المهم ان حمادة سلطان كام يلقي النكت الجديدة التي تعجب الرئيس ولان الرئيس نفسه كان يعرف كل النكت بل ويؤلف نكت كان يجتهد في ان تكون النكته جديدة من طريف ما يرويه الرئيس وكان معه استاذ جامعي فيذكر الرئيس انه اي الرئيس لما كان رئيس تحرير جريدة الجمهورية طلب الاستاذ الجامعي من السكرتيرة ان يقابل الرئيس اللي كان رئيس تحرير جريدة فقالت له السكرتيرة الجميلة خمس دقايق والاستاذ انور يفضا رد الاستاذ الجامعي خمس دقايق بس بس كان يقول الرئيس لحمادة سلطان الف نكتة الان مرة كان في ومعاه سفير مصري سابق قال حمادة قال حمادة سلطان مرة واحد راح لحماته( خضرة) لقاهاها ناشفة وخضرة هذه كانت خالة السفيرفضحك الريس والسفير قال له الرئيس السادات ف وجود سفير اسرائيلي قلنا نكته عن اليهود قال حمادة سلطان واحد يهودي قبل ما يموت جمع ابناءه الثلاثة ووصاهم فقال اوصيكم بالندالة ثم الندالة ثم النداله فمات الرجل اليهودي فقام ابناؤه بالقائه من الشباك قيلت النكته الاتية في اثناء خلاف السادات مع الانبا شنودة وربما بعد اصدار قراره بان يبقي البابا شنودة رهن الاقامة الجبرية ويعزل من منصبه تقول النكته جاء واحد مسيحي للرئيس السادات وساله هو مش حيجي يوم يحكم البلد واحد مسيحي رد الرئيس السادات ولا مسلم وحياة ابوك
كان الرئيس السادات يكلم الكاتب الساخر محمود السعدني وف حضور عثمان احمد عثمان قال السادات لمحمود(انت يا وله كنت بتكتب ف مجلة السفير وكتبت تسعين مقالة وانا ممستش شعرة منك انت كان لسانك وسخ كان عايز قطعه رد عثمان احمد عثمان رجل الاعمال وصديق السادات مش بس كدا دا كان عايز حش رقبته رد محمود السعدني لا ما اسمحلكش محدش يشتمني ولا يهزئني الرئيس السادات بس اللي يشتم ويهزا براحته
عن علاقته بالشيخ الشعراوي فقد كانت قوية تقول النكته او ربما تكون حدثت انهم ذهبو الرئيس والشيخ الشعراوي ورئيس الوزراء ممدوح سالم لمشاهدة حفلة غنائية تمثيلية وعندما ظهرت الراقصة امامهم امال الشيخ شعراوي راسه حتي لايري الراقصة فقال السادات لرئيس وزرائه قول للشعراوي يتعدل فرد الشعراوي هو مين اللي يتعدل برضو
انجبيت زوجته السابقة وكان قد طلقها قبل انجاب بنته كاميليا بشهر وعندما زارها ليري مولودته كاميليا وجد المولودة سمراء
قال لزوجته لي تعبتي نفسك يا اقبال وجبتي البنت شكلي قالت لازم تطلع زيك وزي ايامك السودا اللي اسود من قرون الخروب
الغريب ان كلمات السادات كانت تتحول لنكت قال السادات لمعارضيه ذات مرة حفرمكم فغضب الجزارين لانه حينافسهم ف اكل
عيشهم فرفعوا علي الرئيس دعوة قضائية الا ان الرئيس فوت عليهم الفرصة وكتب علي رئاسة الجمهورية (حاتي السادات)قال الريئس السادات بعد استفتائه الاول لرئاسة الجمهورية اشكر كل من قال لا واشكر كل من قال نعم
فطلعت نكتة قال الرئيس كل من قال نعم واشكر كل من قال لا اما اما نعيمة فاشكرها مرتين لانها قالت نعمين (علي الاغنية الشهيرة اما نيمة نعيمين)فردت نعمين فسالتها الابنة خلي عليوة يكلمني اماالرئيس ( حسني مبارك)فانه صوربانه اشرمن ابليس وان ابليس بجواره ملاك تقول النكتة ان مبارك قال ابليس ان عايز فكرة تخليني اربي بيها المصريين فقال له ابليس هات ودنك وبعدين ابليس وشوش وشوش وشوش رد حسني مبارك اي دا ياابليس كلام خليب فين شطارتك رد ابليس طب هات ودنك وش وش وش رد الرئيس مالك كدا بقيت خرع يا ابليس وكمل الرئيس طب هات ودنك انت يا ابليس رد ابليس يا راجل حرام عليك
تصوره علي ان مبارك لا يخاف الله واللي مايخاف الله خاف منه ويعمل اي حاجة
قال مبارك لاحمد نظيف انا احسن والا عبد الناصر رد نظيف انت طبعا عبدالناصر مين سال مبارك لي يانظيف قال نظيف لان
عبدالناصر كان بيخاف م الروس ساله الريس طيب انا والا السادات رد نظيف سادات مين انت طبعا السادات كان بيخاف من امريكا ساله الريس طيب انا احسن والا عمر ابن الخطاب رد نظيف انت طبعا عمر كان بيخاف من ربنا لكن انت هههههه
يصور المصريون ف النكت المصرية الرئيس مبارك علي انه ضد التغيير فالرئيس تاتي ناس وتروح ناس والرئيس باقي كما هو
ساله الجنزوري انت شلتني لي ياريس قال الرئيس التغيير سنة الحياة رد الجنزوري طب شلت وزير المواصلات لي؟ رد الريس التغيير سنة الحياة قال الجنزوري طيب انت قاعد لي ياريس لما التغيير سنة الحياة رد الرئيس ياحبيبي وجودكم سنة اما وجودي فرض صور المصريون الرئيس ف النكتة انه متثبث بالحكم وانه لن يتركه ابدا لو اطربقت السما ع الارض وجد رجل الفانوس السحري قفام بمسح الفانوس طلعلو عفركوش بن برتكوش شبيك لبيك تطلب اي قال الرجل عايز كزبري من الاسكندرية لاسوان خدمة لمصر حبيبتي رد عفركوش لا دي صعبة شوف حاجة تاني قال الرجل عايز حسني مبارك يسيب الحكم رد عفركوش بقولك اي انت عايز الكوبري رايح والا جاي؟ كان يحتكر كل شيئ السلطة والمال علي فراش الموت قال حسني لاحمد نظيف وصيتك مصر يانظيف حكم مصر لجمال رد نظيف من عنيا ياريس ثم راح مبارك ف غيبوبة وافاق والشعب وصيتك الشعب رد نظيف الشعب حياكل الزلط راح الريس ف غيبوبة ثم افاق وقال ماتنساش يا نظيف توكيل الزلط لعلاء يعني حتي االزلط مستخسرو ع المصريين يعني بيع المصريين اللي وراهم واحد ركب تاكسي فوجد السواق معلق صورة عبدالناصر والسادات ومبارك فسال الرجلالسواق مين ده؟ رد السواق دا الزعيم عبدالناصر زعيم مصر والامه العربية وبعدين سال الرجل السواق طب ومين ده رد السواق دا السادات بطل الحرب والسلام بعد كدا سالو طب ومين دا بقي قالو حسني مبارك ابو علاء شريكي ف التاكسي واللي قدامهم التعذيب علي ودنه ولم يسلم منه بشر ولا حجر وطبعا تلفيق التهم قال حسني لحبيب العادلي ف عيد الاضحي هات عشر خرفان عشان ندبح منهم واحد ع العيد رجع حبيب العادلي بعد تلات تيام ومعا خروف متعور ومتبهدل خروف واحد بس رد مبارك اي دا ؟ قال حبيب الادلي دا اللي فضل بعد التحقيقات يصورون ان الرئيس مبارك كره الناس ف عيشتهم لدرجة انه كفرهم خالاهم يكفروا والعياذ بالله كان مرة مبارك بيخطب وكل شويا واحد يقوم ويقول عاش مبارك موحد الاديان لغاية لما خلص خطاب قام ضباط امن الدولة اخدوا الرجل دا وقالوا انت ياله يابن الكلب ازاي تقول مبارك موحد الاديان واحنا عندنا تلات اديان الاسلام والمسيحية واليهودية رد الرجل ماهو اللي كفرهم كلهم
لاحظ ان ممكن يضحوا بالشعب ومقدراته ونهر النيل وكل حاجة ف مصر من اجل راحة الريس حسني مبارك اشتكي حسني مبارك لحبيب العادلي وقالو ان حمو النيل مش مخليني انام راح حبيب العادلي غاب شويا ورجع وقال للريس تمام يافندم قبضنا علي كل اللي اسمهم حمو وجاري ردم النيل تصور النكتة ان الرئيس يقتل بدم بارد ولايهمه ويبتسم تقول النكتة ذهب الرئيس لزيارة مدرسة ودخل احد الفصول وجاء دور اسئلة التلاميذ فسال رامي الرئيس لي انت بتحكمنا بالطوارئ؟ لي حالتنا متاخرة ف عهدك؟ لي حتورثنا لابنك جمال؟ بعد السؤال الثالث دق جرس الفسحة بدري ربع ساعة نزل التلاميذ الفسحة وعادوا من غير رامي اختفي رامي فقام احد التلاميذ وسال الرئيس لي بتحكمنا بالطوارئ؟ لي حالتنا متاخرة ف عهدك؟ لي حتورثنا لابنك جمال؟ رامي راح فين؟
طبعا لاحرية راي ولا تعبير ولا اي حاجة

موضوع جميل جدا اخى العزيز
ونتمنى منك المزيد

اشكرك اخي العزيز سيف نورت موضوعي
ودايما منور بردودك الجميلة
تقبل تحياتي

السلام عليكم ورحمة الله وبركاته

منور الدنيا كما تعودنا ديما عليك مميز فى كل مواضيعك ..وفى جميع المجالات
بس مقلتليش رامى راح فين ...ههههههههههههههه

تحياتى ياغالى

دائما كعادتك اخي ابوفهد بالغ الرقة والذوق واشكرك ايضا علي تعليقك الرائع
وبخصوص رامي وبعد رحيل مبارك احنا استعدنا رامي علي فكرة
تقبل تحياتي وتقديري

السلام عليكم ورحمة الله وبركاته

حمد لله على سلامة رامى اخى الغالى اشرف

واكيد رامى بعد الغيبه الطويله بعد 30 سنه غايب عنا رجع انضج واقوى من ذى قبل

اهنيك واهنىء نفسى واهنىء كل المصرين برجوع رامى البطل الذى كسر حاجز الخوف وكل الحواجز

وفتح لنا نافذه تطل على شمس مشرقه توعدنا بغد جديد افضل انشاء الله

اخى الجميل اشرف انت منبع الزوق والرقه كلها ياغالى

ههههههههههه
هما بصراحة يستاهلوا

اشكرك اخي ابوفهد علي رقة اسلوبك وانت فين احنا مفتقدينك

والشكر للزائرة

تقبلا تحياتي