الدمايطة(اهل دمياط) والنكتة المصرية

بالتاكيد ان شعب دمياط هو شعب عريق لكن النكتة تصورر الدمايطة انهم بخلاء شديدي البخل بتصورو ان بخيل جلدة لدرجة ان البخل دا حتي ف الحلم فلو واحد حلم حلم انه اشتري ف الحلم بطيخة وحكي لمراته انه راي ف المنام انه اشتري بطيخة ترد وتقوله يا نهار اسود دا خراب بيوت يا سعداوي فحتي الحلم يجب الاقتصاد فيه وطبعا هنا مبالغة من النكت لاثبات شدة بخل الدمايطة
تقول النكتة واحد دمياطي راي ف المنام انه اشتري 3كيلو موز 2 كيلو تفاح حكي الحلم لمراته فقالت له كدا اهوه مرة واحدة دا ايه الافترا ده رد عليها يا ولية اسكتي خلي العيال ياكلوا وينبسطوا تصور النكتة ان البخل اصبح طبع ف دم الدمياطي وانه اصبح عقيدة لدرجة انه يمارس البخل للبخل نفسه عشقا ف البخل نفسه مش لمجرد التحويش وهو علي فراش الموت لاينسي ان يطفئ النور ففي النكتة التالية ثبت الي اي مدي يتغلغل البخل في روح الدمياطي واحد دمياطي وهو علي فراش الموت يسال عن اولاده فين محمد؟ محمد باكيا انا اهو يابا الاب فين حسنين حسنين باكيا انا اهو يابا
فين زيدان يرد زيدان باكيا انا اهو يابا فيقول الاب انتو التلاتة هنا وسايبين النور مولع الرجل ينسي جلال وهيبة الموت لانه لا يتصور ان يصرف شلن زيادة رغم انه حيموت بس خلاص البخل والجلادة اصبحت اعز عليه من نفسه وولده والناس اجمعين
انه يقتصد حتي ف الكلمة فالكلام مش بفلوس بس عند الدمياطي البخيل الاقتصاد ف كل شيئ حتي ف الكلمة ودي طبعا مبالغة من النكتة مرة طفل دمياطي بيقول لابوه بابا بابا رد ابوه بضرب ابنه قلمين قالو بابا وحده يابن الكلب
طفل دمياطي دخل مع ابوه سوبر ماركت وقال لابوه انا بحب الشيكولاته قوي يابابا رد الاب حبها يا حبيبي براحتك بس رجعها تاني
يعني الاب ف منهي القسوة يحب الود الشكولا ميحبهاش مفيش شيكولاته يعني مفيش شيكولا طب الود يموت يقولك يموت واللا يتفلق يعني ليذهب ابنه الي الجحيم بس ميصرفش شلن دي حاجة صعبة
واحد دمياطي قال لولادة مين يتعشي ومين ياخد جنيه قالو ناخد جنيه الصبح قالهم مين ميفطرش ومين يدفع الجنيه
الا النكتة اللي بتقول ان الدمياطي يبيع ابنه وماله من قريب او نسيب بس ميحرقش كبده علي ربع جنيه في النكتة التالية
المراة ارسلت ابنها ومعاه ربع جنيه عشان يشتري عيش وقالتلو اوعي تضيع الربع جنيه تضيع روحك بس الا الربع جنيه حزرعك زرع بصل لو ضيعت الربع جنيه رد الابن حاضر ياماما وف الطريق وجد عربية تصدم ابيه فعاد باكيا ياما ياماما ياماما ردي الام مالك ياولة في الولد الحقي بابا خبطته العربية ردت الام ينيلك يابعيد بحسبك ضيعت الربع جنيه المهم الربع جنيه من زوجها فليذهب زوجها الي الشيطان وليحفظ الله لها فلوسسها
في لحظات الموت والخطر ينسي االدمياطي كما تقول النكتة التالية كل شيئ ف الدنيا الفانية ولا يذكر الا الفلوس اثناء رجوعه للبيت وهو يركب سيارة اجرة انزلقت السيارة ف منحدر شديد الخطورة قال السواق لا استطيع ايقاف السيارة رد الدمياطي وقف العداد بسرعة وتقول نكتة اخري ذهب خمسة دمياطين علي قهوة طلبوت واحد عصير وخمس شفاطات

اعتقد انا ان اهل دمياط غير تصوير النكتة ليهم معرفش رايكو اي؟

هههههههههههههههههه جميل يا اشرف موضوع بجد مضحك بس البخل فيهم والى تعرفى فلح دمياط كرمه شوية ام الفيىا الى قدك بيها بخله انا معى ناس منهم فى ابو ظبى البخل فيهم صح ماء غريبه عليهم بس مو كلهم
فى شيى يا اخى اشرف الكرم فى الصعيد عشان الكرم فى دمنا وتحياتى لك يا اشرف جمال تقبل مرورى

اهلا بيك اخي سيف اكيد كل محافظة فيها وفيها منور دايما موضوعاتي
تقبل تحياتي