صورة الزمالك والاهلي في النكتة المصرية

النكتة الاهلاوية تصور ان من المسنحيل ان الزمالك يكسب الدوري تقولك واحد زملكاوي طلعلو عفريت من الفانوس السحري فبيساله العفريت تطلب اي؟ رد عايز المرحوم ابويا يرجع تاني رد العفريت دا مستحيل اطلب طلب اسهل قالو عايز الزمالك يكسب الدوري رد العفريت انت ابوك مات سنة كام؟
عقدة الزمالك من اللون الاحمر واحد زملكاوي اشتري بطيخة طلعت حمرا رجعها
تصور النكتة الاهلاوية عقدة الزمالك من رقم ستة
واحد زملكاوي خطب وحدة فبيسالها عن تاريخ ميلادها قالتلو 6/1طلقها بالتلاتة
واحد زملكاوي بيسال السواق رايح 6 اكتوبر رد السواق لا 6/1
واحد زملكاوي اشتري ساعة كل ماتيجي 6 يقولها يخرب بيت ابوكي
مشكلة رقم اتنين عند الزملكاوية واحد راح يتجوز وحدة قالت له انا كنت مجوزة قبل كدا قال يادي النصيبة السودا هو المركز التاني ورايا ورايا
ومنذ القديم تصور النكتة عقدة الزملكاوية من مجرد اسم اي لاعب اهلاوي وان اللاعيبة الاهلاوية عقدوهم ف عيشتهم
حكي احد الشيوخ ساخرا من الكورة دخل فاروق جعفر لصلاة الجمعة وف المسجد قال احد المصلين الخطيب سيرتقي المنبر قام فاروق جعفر ساب الجامع ومشي
اما النكتة الزملكاوية تصور الاهلي بيشتري الحكام
قال شاعر الزمالك
اهلاوي اه ياعيني دايما كسبان بطولات
والسر بيني وبينك حكامنا دول شربات
بفلوسنا بنشتريلهم شقق وعربيات
تصور الاهلي بيكسب بالحظ وتعاطف العارضة و ومكسب الدقيقة الاخيرة او الوقت الضائع
قاال امير الشعراء الزملكاوي
والحظ ماننساهوش دا حبيبنا ومانسيبهوش
نكسب بجول دربكة ونصد بالعارضات
تصوره ان الاهلي مفهوش لاعبين اصلاكلهم من برا
عايزين بطولة ناخد بس بولادنا مفيش
خدنا نص المنتخب والباقي من الدراويش
واشمعني الدراويش رد الشاعر الحصيف
لاوماخذة متلومنيش وتقولي سرقت الدراويش
دا ياما نكدوا علينا واحد واتنين وتلاتة واربعة
ودي النكت اللي بتركز علي عقدة الاهلي م الاسماعيلي وهي كتير

ههههههههههههههههههههههههه

مشكور يا اخى اشرف على نكتك الجميله جدا دى والله وربنا يسعدك ويسعدنا بأستقالة حسام البدرى قول امين

وعلشان خاطر الزملكاويه ميزعلوش مفيش رقم اتنين السنه دى يعنى مش هيبقو التانى زى كل مرة

المرة دى التالت يعنى التانى للأسماعيلى

هههههههههههههههههههههه

اشكرك جدا اخي العزيز محمود علي مرورك اللي نور موضوعي
تقبل تحياتي

ياتري لقاء الاربعاء حيسفر غن اي؟