تذكر النكتة ان المتزوجين يعيشون في تعاسة وان كل من الزوجين يتمني الخلاص من الاخر وهيي تصور ان المراة خداعة وان الحب خداع فالرجل ينظر للمراة علي انها ساحرة ومثالية ولكن ف الحقيقة لو اتجوزها حيشوف ايام اسود من قرون الخروب دخل دكتور نفسي عنبر المجانين فوجد رجل يضرب نفسه بالشبشب فسال لماذا؟ قالوا احب وحدة وماتجاوزهاش ثم دخل الطبيب عنبر اخر فوجد واحد تاني يضرب نفسه بالشبشب ايضا فسال الطبيب ودا كمان ماله قالوا له ماهو دا اللي اتجوزها يقصد المراة اللي الراجل كان بيضرب نفسه علشانها ينظر الرجل ف النكتة الي يوم زواجه علي انه يوم (نكسة)او كارثة يتجنب ذكرها قالت امراة لزوجها انا امبارح لمت بيوم جوازنا قالها هو انتي لسا الكوابيس دي بتجيلك الحماة ف النكتة مصيبة سودا يتمني الزوج موتها واذا جاءت الفرصة لتموت فانه ييسر لها الاسباب ويذلل كل الصعاب حتي لا تسلم من المرض ويحزن حزنا شديدا اذا فلتت الحماة من المرض واذا ارادت الانتحار اي الحماة فانه يساعدها بكل ما اوتي من قوة نزل رجل مجوز الشارع وقال ياناس الحقوني الاسعاف حماتي حتنتحر رد عليه رجل مجوز تاني طب متسيبها تنتحر رد الزوج الاول اصلها عايزة ترمي نفسها م الشباك والشباك مش عايز يتفتح هويريد الناس والاسعاف ليساعدوه في فتح الشباك لتلقي حماته نفسها من الشباك بسلام وبذلك يكون لناس والاسعاف قامو باسعافه والحماة ف النكته لسانها سم متبر منها قالت زوجة لزوجها الحقني امي ف المستشفي جالها حالة تسمم رد قال لازم عضت لسانها بالخطا تحكي النكتة ان عيشة المراة مرار حتي اكلها مرار وحدة راحت لامها وقالت لها يا امي الحقيني جوزي كل ما اعمله اكل مليكلهوش ويرمي للكلب فردت امها وهو الكلب ذنبه اي بس والحما تكرة زوج بنتها وتشفق علي الكلب وتحنو عليه اذا ما قارنته بزوج ابنتها يتمني الزوج موت زوجته ف النكته ويتحين الفرصة قالت زوجة لزوجها اطرد السائق حاول يدبحني مرتين رد الزوج قالها معلش نديلو فرصة تانية النكتة تصور الجواز باقبح واسوا ما يتصوره انسان مشي خطيب مع خطيبته يقول لها تعرفي اي الفرق بين الحب والجواز ؟ قالتي اي قال الحب زي النجوم الجميلة ف السما واحنا بنبص عليها سالته خطيبته طب والجواز؟ قال دي البلاعة واحنا بنبص ع النجوم بنقع فيها فالنكتة يستحيل يحب الرجل زوجته قال انت بتحبيني قالت مثلما انت بتحبني قالها لي بس هو انا عملتلك اي؟
تصور كل منهما اي الزوجين للاخر بانه شيطان تقول زوجة لزوجها ياريتني كنت اتجوزت ابليس ولا اتجوزتك رد عليها لا يجوز ان تتزوج الاخت اخاها
كمان تصور النكتة الزواج بانه سجن وان احد الزوجين او كلاهما ينتظر لحظة الافراج بفارغ الصبر كان في زوج كل شويا يبص ف عقد الزواج قام حماته سالته هو انت كل شويا تبص ف عقد الزواج لي؟ قالها مش عارف الماذون كتب تاريخ انتهاء العقد فين؟
يعني يتمني الخلاص منها باي وقت وياسلام لو حد ياخدها ويريحه واحد بيسال واحد صاحبه انا عايز اعمل لمراتي مفاجاة اوديها الصين رد صاحبة ف عيد جوازكو العاشر توديها الصين امال ف عيد جوازكو ال25 توديها فين رد الزوج اروح اخدهاا
مرة واحد كتب ف اعلانات مبوبة مطلوب زوجة تاني يوم تلقي 100 رد بيقوله تاخد بتاعتي؟
تصور النكتة ان الزوجة لا تعرف لا رومانسية ولا رقي ولا حضارة فقط حلة المحشي وطشة الملوخية
قال زوج لزوجته انا عايز النهاردة رومانسية فذهبت الزوجة لامها سالتها يعني اي رومانسية قالت الام مش عارفة لكن احتياطي انقعي حلة الرز تقولك النكتة ان النكد يتحول الي هدف والي حب وادمان عند الزوجين من كثرة الكراهية كان في زوجين عايشن علطول ف نكد لغاية لما قال الزوج لزوجته اي رايك لو نخلي يوم واحد نكد ف الاسبوع وليكن يوم الخميس قال له اوكي موافقة ويوم الثلاثاء وهو راجع من الشغل وجدها فرحانة قالها انت فرحانة كدا للي؟ ردت بكرة النكد بكرة بكرة النكد
النكتة تصور دايما ان الزوج يحن دايما لايام العذوبية قالت الزوجة لزوجها اهدا كدا وارجع زي زمان قام مطلقها ورجع لايام العذوبية تاني
2014-12-22, 11:55 am من طرف علاء الجبالي 25
