اللي فيكي فيكي يا خاله وطنية عمرك ما هتتغيري كلام عن النكتة والانتخابات

موضوع التزوير ف الانتخابات قديم جدا لكن الملفت ان التزوير اصبح هدف بحد ذاته
يعني مثلا اذا في عضو مترشح ف دايرة وحده مامعاهوش حد ودا مستحيل والعضو دا حزب وطني بنفرض مثلا انه وحده ف الدائرة برضو حيقومو بتزوير الانتخابات عشان ينجح
وبصراحة اصلي شكل بعض اعضاء الحزب الوطني لو الواحد دخل انتخابات ولوحده ف الدائرة مفيش امامه منافس يسقط بردو
اصبح ممكن تسمع عن انتخابات ستقوم كل كام شهر فقط حتي يزوروا مش عشان انتخاب اعضاء او حاجة نريد انتخابات لنزور لان التزوير مطلوب لذاته هو متعة في حد ذاته
هم يدمنون التزوير وهناك اعضاء اكل عليهم الدهر وشرب اعضاء ف المجلس من ايام حفر القناة قاعدين بيعملوا اي؟
مرة عضو عجوز جدا سافر باريس وهو متعود ع التزوير ف كل حاجة حتي ف الحجات اللي مش عايزة تزويريبزور فيها
في مسابقة للغزلان وهو معاه حمار فيعمل اي راح دخل بالحمار معاهم ف المسابقة المسئولين عن المسابقة بعدو اي واحد معاه غزال الا صاحبنا العجوز وحماره قالوا متدخلش دا حمار مينفعش قالهم حمار ف عينك انت وهو دا غزال اهو مكتوب عليه غزال مش بتعرفوا تقروا
ما نريد ان نقوله ان التزوير يكون بطريقة مفضوحة مش انه يتم بطريقة فيها شياكة ويحفظ ماء وجه وكرامة المصريين بحيث محدش ياخد باله والتزوير كدا وكدا مرفوض لكن هو بيزور ويقولك انا حزور غصبن عنكو وعلي عينك يا تاجر واللي ما يشتري يتفرج وان كان عاجبكو
المهم التزوير بيتم بطريقة مفضوحة مع انهم بيزوروا بقالهم سبعتلاف سنة المفروض يكونوا اتعلموا لا هم بصراحة قاصدين كدا او هم شخصيتهم كدا
ف مرة زمان قاضي كان بيراقب الانتخابات وبينظر ع الكشوف فلاحظ اسم واحد ميت وميت من عشر سنين
قال للمسئولين واللي كاتبين الاسماء ومسئولي اللجان الراجل دا ميت يا جماعة جيبتو ازاي قالوا مش احنا الحكومة هي دي صعبة علينا والملفت ان الشعب المصري ممكن يشوف الحجات وما يستغربش وهي بالنسبالو عادية ممكن الاموات يشاركو ف التصويت عادية بالنسبة للمسئولين وعادية كمان للشعب المصري لكن الاجنبي لو شاف حاجة زي زي كدا ممكن تجيلو جلطة او سعال ديكي
زمان طه حسين قال الحجات اللي بتحصل ف مصر يقصد الكوارث مش بتحصل ف اي بلد تاني ف العالم
لكن ما هي صفات العضو الناجح طبعا لازم حزب وطني او مستقل بس كدا وكدا يعني برضو وطني
ولازم يكون ابيض ما يعرفش الفرق بين الديقراطية وترعة المحمودية
زي العضو اللي دخل مجلس الشعب فواح م الاعضاء اعطاه سجائر اجنبية ليدخن فساله العضو اللي عزم بالسجائراي رايك ف الديقراطية؟ رد العضو اللي خد السجائر احسن من الكيلو باترا
ولازم حيكون مرن ومطيع وعشان مصلحته
لو قاللهم عايزنكو ف المجلس تصوتوا علي قرار احنا نوينا نحتل اليابان اي رايكم مصر حتحتل اليابان موافقين
حيردوا نعم منافقون
لو قاللهم قرار قررنا اعلان الحرب علي دولة واق الواق
مافقون نعم منافقون
والدليل بتلاقي اغلبهم بينام ف المجلس بالعربي احنا عايزين جثة
دا العضو المثالي اما من ناحية القيم والمبادئ ان يكون طاهرا نظيفا من كل المبادئ والاخلاقيات الكريمة
وملتزم بكل قيم الفهلوة والوصولية
افرض واحد صالح ومحترم ومحبوب مستحيل وصوله للمجلس نجوم السما اقرب
واحد متعلم ومحترم وموثوق منه رشح نفسه لمجلس الشعب وبعدين وهو ماشي وجد الفانوس السحري مسحه طعله العفريت قالو تطلب اي قال الرجل امي اللي ماتت ترجع
رد العفريت اطلب حاجة تانية دي صعبة قالو انجح ف الانتخابات رد العفريت هي امك ماتت سنة كام؟
المهم لازم يفوز الحزب الوطني ومن يتعاطف معه لان دي سنة ابدية زي الشمس والقمر
واحد دخل ينتخب مرشح معارض وعلم علي واحد من المعارضة وف الطريق بدا الفار يلعلب ف عبه اكيد معاهم كاميرات وصوروك وانت بتصوت للمعارضة حتروح ورا الشمس رجع لنفسه وقال لازم اروح اعتذر واقولهم غصبن عني ورجع قال للمسئول انا علمت علي المعارض بطريق الخطا المسئول رد قالو احنا عرفنا الغلطة وتداركناها وعلمنالك ع الحزب الوطني بس المرة اللي جاية متكررهاش
واحد من عواجيز الحزب اللي قاعدين من ايام حفر ترعة المحمودية بقولولوا انت مش حتودع الشعب قالوهم هو الشعب حيروح فين

هههههههههههههههههههههههههههه
مشكووووووووور موووووووووضوع في قمة الروووووووووعة

نورتني كتير ماجيك وبحب اقول ان رغم كدا في ناس خارج البرلمان يصلحون كثيرا لتمثيل الشعب ف البرلمان
ونتمني ان الحكومة تخضع لراي الناس اذا ارادت انتخاب نائبا لها

ههههههههههههههههه


ما اجمل موضوعاتك يا اشرف

موضوع جميل

بالغ شكري وتقديري للاخ الغالي وليد وللاخ هاسد
هذه الساهمة كتبت ف العهد السابق مين كان يتصور ان ممكن يجي عهد نتطلع في ان ميكونش فيه تزوير